അമിനി: ഏകസിവില്‍ കോഡ് നടപ്പിലാക്കാനുള്ള കേന്ദ്ര സര്‍ക്കാര്‍ നീക്കത്തിനെതിരേ അമിനി മേഖലാ എസ്.വൈ.എസിന്റെയും എസ്.കെ.എസ്.എസ്.എഫിന്റെയും സംയുക്താഭിമുഖ്യത്തില്‍ സബ് ഡിവിഷനല്‍ ഓഫിസിലേക്ക് ധര്‍ണ നടത്തി. ഖാളി സയ്യിദ് ഫത്ഹുള്ളാ മുത്തുകോയ തങ്ങള്‍ പ്രാര്‍ഥന നിര്‍വഹിച്ചു. സയ്യിദ് മുഹമ്മദ് ഖാസിം തങ്ങളുടെ അധ്യക്ഷതയില്‍ ഖതീബ് എം.കെ അബ്ദുള്ളക്കോയ ദാരിമി ഉദ്ഘാടനം നിര്‍വഹിച്ചു. ഖാളിയുടെ നേതൃത്വത്തില്‍ നിവേദനം സമര്‍പ്പിച്ചു. അഹ്മദ് നഹാ ഹുദവി മുഖ്യപ്രഭാഷണം നടത്തി. ടി.പി ഹംസക്കോയ ദാരിമി, ജഅ്ഫര്‍ ദാരിമി, പൂക്കുഞ്ഞിക്കോയ ഹാജി , ബി കുഞ്ഞി ഹാജി, അബ്ദുര്‍ റഹ്മാന്‍ മുസ്‌ലിയാര്‍, അയ്യൂബ് ദാരിമി, കെ.കെ.സി മുത്തുകോയ തുടങ്ങയിവര്‍ സംബന്ധിച്ചു. നാസിം എം.സി സ്വാഗതവും സെയ്തലി ഫൈസി നന്ദിയും പറഞ്ഞു.