ഇസ്ലാമാബാദ്: നാഷണല്‍ ജോഗ്രഫിക് കവര്‍ചിത്രത്തിലൂടെ പ്രശസ്തയായ അഫ്ഗാന്‍ മൊണാലിസ ഷര്‍ബത്ഗുലയെ നാടുകടത്തില്ലെന്ന് പാകിസ്താന്‍ സര്‍ക്കാര്‍. വ്യാജ തിരിച്ചറിയല്‍ കാര്‍ഡ് കൈവശം വെച്ചതിന് ഒക്ടോബര്‍ 26 നാണ് പാകിസ്താന്‍ ഫെഡറല്‍ ഇന്‍വെസ്റ്റിഗേഷന്‍ ഏജന്‍സി് ഗുലയെ അറസ്റ്റ് ചെയ്തത്.

ഷര്‍ബത് ഗുലയെ 15 ദിവസത്തെ ജയില്‍വാസത്തിനു ശേഷം പാകിസ്താനില്‍നിന്ന് നാടുകടത്താന്‍ പെഷാവര്‍ കോടതി കഴിഞ്ഞ ദിവസം ഉത്തരവിട്ടിരുന്നു. എന്നാല്‍ മാനുഷിക പരിഗണന നല്‍കിയാണ് നാടുകടത്തേണ്ടതില്ലെന്ന തീരുമാനമെന്ന് അധികൃതര്‍ അറിയിച്ചു.

1984 ല്‍ അഫ്ഗാനിസ്താനിലെ യുദ്ധകാലത്താണ് നീലക്കണ്ണുള്ള ഷര്‍ബത്ത് ഗുലയുടെ ചിത്രം നാഷണല്‍ ജ്യോഗ്രഫിക് മാഗസിന്‍ പുറത്തുവിട്ടത്.