വെഞ്ഞാറമൂട്: നിയന്ത്രണംവിട്ട കാര്‍ കടയിലേക്ക് ഇടിച്ചുകയറി കടയുടമയ്ക്കു പരുക്കേറ്റു. തേമ്പാമൂട് പേരുമല മുട്ടുക്കോണം റോഡരികത്ത് വീട്ടില്‍ അബ്ദുല്‍ മജീദി (60) നാണ് പരുക്കേറ്റത്. ഇന്നലെ ഉച്ചയ്ക്ക് ഒന്നരമണിക്ക് വെഞ്ഞാറമൂട് പുത്തന്‍പാലം റോഡില്‍ പേരുമലയിലായിരുന്നു അപകടം. തേമ്പാംമൂട് ഭാഗത്തുനിന്ന് വന്ന കാര്‍ സമീപത്തെ പോസ്റ്റില്‍ ഇടിച്ചശേഷം കടയിലേക്ക് ഇടിച്ചുകയറുകയായിരുന്നു. അപകടത്തില്‍ കടയുടെ തട്ടും മേല്‍ക്കൂരയും അലമാരകളും തകര്‍ന്നു. വൈദ്യുതി പോസ്റ്റ് തകര്‍ന്നതിനാല്‍ പ്രദേശത്ത് വൈദ്യുതി വിതരണം മണിക്കൂറുകള്‍ തടസ്സപ്പെട്ടു. പരുക്കേറ്റയാളെ തിരുവനന്തപുരം മെഡിക്കല്‍കോളജില്‍ പ്രവേശിപ്പിച്ചു.