തൊടുപുഴ: സി.പി.എം സംസ്ഥാന കമ്മിറ്റിയംഗം കെ.പി മേരി നയിക്കുന്ന മേഖലാ ജാഥ തൊടുപുഴ ഏരിയയിലെ പര്യടനം പൂര്‍ത്തിയാക്കി. ഇന്നലെ രാവിലെ എട്ടിന് പാറത്തലയ്ക്കല്‍ നിന്ന് ആരംഭിച്ച ജാഥ ഏഴല്ലൂര്‍, മുതലക്കോടം, ഇടവെട്ടി, തെക്കുംഭാഗം, മ്രാല, കരിങ്കുന്നം, കുണിഞ്ഞി, വഴിത്തല, പാറക്കടവ്, മണക്കാട് എന്നിവിടങ്ങളില്‍ നല്‍കിയ സ്വീകരണങ്ങള്‍ ഏറ്റുവാങ്ങി തൊടുപുഴ ഗാന്ധി സ്‌ക്വയറില്‍ സമാപിച്ചു.
വിവിധ സ്വീകരണ കേന്ദ്രങ്ങളില്‍ ജില്ലാ സെക്രട്ടറിയറ്റ് അംഗങ്ങളായ പി എസ് രാജന്‍, സി വി വര്‍ഗീസ്, വി വി മത്തായി, ജില്ലാ കമ്മിറ്റിയംഗങ്ങളായ ജി വിജയാനന്ദ്, കെ.ആര്‍ ഗോപാലന്‍, തൊടുപുഴ ഏരിയ സെക്രട്ടറി ടി.ആര്‍ സോമന്‍, നിശാന്ത് വി. ചന്ദ്രന്‍, മുഹമ്മദ് ഫൈസല്‍ എന്നിവര്‍ സംസാരിച്ചു.