കോഴിക്കോട്: ഇന്നുമുതല്‍ കോഴിക്കോട്ട് നടക്കുന്ന മുസ്‌ലിം യൂത്ത് ലീഗ് സംസ്ഥാന സമ്മേളനം വിളംബരം ചെയ്ത് എം.എസ്.എഫ് ജില്ലാ കമ്മിറ്റിയുടെ ആഭിമുഖ്യത്തില്‍ സ്റ്റുഡന്റ്‌സ് കോള്‍ സംഘടിപ്പിച്ചു. മുസ്‌ലിം ലീഗ് സംസ്ഥാന ട്രഷറര്‍ പി.കെ.കെ ബാവ ഫ്‌ളാഗ്ഓഫ് ചെയ്തു. ലീഗ് നേതാക്കളായ അഡ്വ. യു.എ ലത്തീഫ്, ഉമ്മര്‍ പാണ്ടികശാല, എം.എസ്.എഫ് സംസ്ഥാന പ്രസിഡന്റ് മിസ്ഹബ് കീഴരിയൂര്‍, സെക്രട്ടറി നിഷാദ് കെ. സലിം, യൂത്ത് ലീഗ് നേതാക്കളായ പി.ജി മുഹമ്മദ്, സാജിദ് നടുവണ്ണൂര്‍, റഷീദ് കുറ്റ്യാടി സംബന്ധിച്ചു. ലീഗ് ഹൗസില്‍ നിന്ന് ആരംഭിച്ച സ്റ്റുഡന്റ്‌സ് കോളില്‍ നൂറുകണക്കിന് പ്രവര്‍ത്തകര്‍ പങ്കെടുത്തു. വൈവിധ്യമാര്‍ന്ന കലാപരിപാടികളോടെ നടന്ന റാലി മൊഫ്യൂസില്‍ ബസ്റ്റാന്‍ഡ് പരിസരത്ത് സമാപിച്ചു. എം.എസ്.എഫ് സംസ്ഥാന വിങ് കണ്‍വീനര്‍ കെ.ടി റഊഫ്, ജില്ലാ പ്രസിഡന്റ് എ.പി അബ്ദുസ്സമദ്, സെക്രട്ടറി ലത്തീഫ് തുറയൂര്‍, സുഹാജ് നടുവണ്ണൂര്‍, അഫ്‌നാസ് ചോറോട്, സാബിത്ത് മയനാട്, കെ.വി തന്‍വീര്‍, സി.പി അജ്മല്‍, നൂറുദ്ദീന്‍ ചെറുവറ്റ, സ്വാഹിബ് മുഹമ്മദ്, കെ.ടി ജാസിം, കെ.സി ശിഹാബ് നേതൃത്വം നല്‍കി.