അത്യുഗ്രന് ഫീച്ചറുകളുമായി വണ്പ്ലസ് 3ടി വിപണിയിലെത്തുന്നു
വണ്പ്ലസ് 3യുടെ പുതിയ പതിപ്പ് വണ്പ്ലസ് 3ടി പുറത്തിറങ്ങി. അതിവേഗ ചിപ്പാണ് ഈ വേര്ഷന്റെ ഏറ്റവും വലിയ പ്രത്യേകത. ക്യൂവല്കോം സ്നാപ്ഡ്രാഗണ് 821 ആണ് ഈ ഫോണിന് കരുത്തുപകരുന്നത്. പരിഷ്കരിച്ച മുന്കാമറയും മെച്ചപ്പെട്ട ബാറ്ററിയുമാണ് മറ്റു സവിശേഷതകള്.
ഗണ്മെറ്റല്, സോഫ്റ്റ്ഗോള്ഡ് കളര് വേരിയന്റുകളിലാണ് ഫോണ് പുറത്തിറക്കിയിരിക്കുന്നത്. ഏതാണ്ട് 32,000 രൂപയ്ക്ക് അടുത്തായിരിക്കും ഫോണിന് ഇന്ത്യന് മാര്ക്കറ്റില് എത്തുമ്പോഴുള്ള വില എന്നാണ് ലഭിക്കുന്ന റിപ്പോര്ട്ട്.
ആറ് ജിബി റാം ശേഷിയോടെയാണ് വണ്പ്ലസ് 3ടി ഇറങ്ങുക. ആദ്യ വേര്ഷന് 8 മെഗാപിക്സല് കാമറയാണ് നല്കിയിരുന്നത്. എന്നാല് പുതിയ പതിപ്പില് 16 മെഗാപിക്സലാക്കി വര്ധിപ്പിച്ചിട്ടുണ്ട്.
ഹോംബട്ടണില് ഫിംഗര് പ്രിന്റ് സെന്സറും നല്കിയിട്ടുണ്ട്. 5.5 ഇഞ്ച് ഫുള്.എച്ച്.ഡി ഡിസ്പ്ലേ, 3400 എം.എ.എച്ച് ബാറ്ററി എന്നിവയും പ്രത്യേകതയാണ്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."