തിരൂരങ്ങാടി: തിരൂരങ്ങാടി മണ്ഡലം എം.എസ്.എഫ് കമ്മിറ്റി സംഘടിപ്പിക്കുന്ന 'മണ്ണും മനസ്സും; ചരിത്രത്തില്‍ തിരൂരങ്ങാടി' ചരിത്ര സെമിനാര്‍ നാളെ ചെമ്മാട് താജ് ഓഡിറ്റോറിയത്തില്‍ നടക്കും. സെമിനാറില്‍ പങ്കെടുക്കുന്നതിന് ഇതിനകംതന്നെ രണ്ടായിരത്തിലതികം വിദ്യാര്‍ഥികളാണ് പേര് രജിസ്റ്റര്‍ ചെയ്തിട്ടുള്ളത്. പരിപാടിയുടെ പ്രചരണാര്‍ഥം പഞ്ചായത്ത് മുന്‍സിപ്പല്‍ സംഗമങ്ങള്‍, ശാഖാ, വാര്‍ഡ്, മേഖലാതല സമ്മേളനങ്ങള്‍, എം.കെ ഹാജി ഓര്‍മകളും അനുഭവങ്ങളും, സ്മൃതി പഥം, മാപ്പിള മല്‍സരം, പതാക ദിനം എന്നിവ നടന്നു.
ഉദ്ഘാടന സമ്മേളനം, ഓര്‍മ, കാലികം, സമാപന സമ്മേളനം എന്നി നാല് സെഷനുകളിലായി നടക്കുന്ന സെമിനാറിന്റെ രജിസ്‌ട്രേഷന്‍ രാവിലെ 8 മണിക്ക് ആരംഭിക്കും. 9 മണിക്ക് പരിപാടി ഇ.ടി മുഹമ്മദ് ബഷീര്‍ എം.പി ഉദ്ഘാടനം ചെയ്യും. മുസ്‌ലിംലീഗ് സംസ്ഥാന സെക്രട്ടറി അഡ്വ.പി.എം.എം.എ സലാം, എം.എസ്.എഫ് സംസ്ഥാന പ്രസിഡന്റ് മിസ്ഹബ് കിഴരിയൂര്‍, മുസ്‌ലിം ലീഗ് ജില്ലാ വൈസ് പ്രസിഡന്റ്എം.കെ ബാവ സംബന്ധിക്കും.
10 മണിക്ക് നടക്കുന്ന ഓര്‍മ അക്കാഡമിക് സെമിനാറില്‍ 'മലബാര്‍ കലാപത്തിലെ തിരൂരങ്ങാടി' എന്ന വിഷയത്തില്‍ കാലിക്കറ്റ് യൂ.സിറ്റി മുന്‍ വൈസ് ചാന്‍സിലര്‍ ഡോ. കെ.കെ.എന്‍ കുറുപ്പ്, തിരൂരങ്ങാടി 'അതിജീവനത്തിന്റെ അദ്ധ്യായങ്ങള്‍' എന്ന വിഷയത്തില്‍ കൊണ്ടോട്ടി ഇ.എം.ഇ.എ കോളേജ് ചരിത്ര വിഭാഗം തലവന്‍ ജാഫര്‍ ഓടക്കന്‍, 'തിരൂരങ്ങാടിയുടെ ജനായകര്‍' എന്ന വിഷയത്തില്‍ മുന്‍ പി.എസ്.സി മെമ്പര്‍ കൊളത്തൂര്‍ ടി മുഹമ്മദ് മൗലവി എന്നിവര്‍ പ്രബന്ധങ്ങള്‍ അവതരിപ്പിക്കും. മുസ്‌ലിം ലീഗ് ജില്ലാ വൈസ് പ്രസിഡന്റ് അരിമ്പ്ര മുഹമ്മദ് മാസ്റ്റര്‍ പ്രസീഡിയം നിയന്ത്രിക്കും. ഉച്ചക്ക് 2 മണിക്ക് നടക്കുന്ന കാലികം സെക്ഷനില്‍ ഗുജറാത്ത് മുന്‍ ഡി.ജി.പി ആര്‍.ബി ശ്രികുമാര്‍ മുഖ്യാതിഥിയാകും. എന്‍.കെ പ്രേമചന്ദ്രന്‍ എം.പി, പി.കെ അബ്ദുറബ്ബ് എം.എല്‍.എ, ഷാഫി പറമ്പില്‍ എം.എല്‍.എ, പി.എ റഷീദ് സംസാരിക്കും.
വൈകുന്നേരം 4 മണിക്ക് നടക്കുന്ന സമാപന സമ്മേളനം മുസ്‌ലിം ലീഗ് ജില്ലാ ജനറല്‍ സെക്രട്ടറി അഡ്വ.കെ.എന്‍.എ ഖാദര്‍ ഉദ്ഘാടനം ചെയ്യും. അബ്ദുസ്സമദ് പൂക്കോട്ടൂര്‍ പ്രഭാഷണം നടത്തും.
പത്രസമ്മേളനത്തില്‍ സംഘാടക സമിതി ചെയര്‍മാന്‍ പി.കെ അബ്ദുറബ്ബ് എം.എല്‍.എ, എം.എസ്.എഫ് സംസ്ഥാന വൈസ് പ്രസിഡണ്ട് ഷരീഫ് വടക്കയില്‍, സാദിഖ് ഒള്ളക്കന്‍, ഫവാസ് പനയത്തില്‍, ആസിഫ് ഹുസൈന്‍ തങ്ങള്‍, എം.കെ ജൈസല്‍, സാദിഖ് ചിറക്കല്‍ സംബന്ധിച്ചു.