റിയാദ്: ലോകത്തെ ഏറ്റവും വലിയ ഇസ്‌ലാമിക രാജ്യങ്ങളുടെ കൂട്ടായ്മയായ ഓര്‍ഗനൈസേഷന്‍ ഓഫ്  ഇസ്‌ലാമിക് കോര്‍പറേഷന്‍ (ഒ.ഐ.സി) പുതിയ സിക്രട്ടറി ജനറല്‍ സ്ഥാനത്തേക്ക് സഊദിയുടെ യുസുഫ് അഹമദ് അല്‍ ഉതൈമീനെ തെരഞ്ഞെടുത്തു.
 മക്കയെ ലക്ഷ്യമാക്കി യമനിലെ ഹൂതികള്‍ അയച്ച മിസൈല്‍ ആക്രമണത്തിനെതിരേ മക്കയില്‍ ചേര്‍ന്ന അടിയന്തര യോഗത്തിലാണ് ഒഴിവ് വന്ന പദത്തിലേക്ക് ഉതൈമിയെ തിരഞ്ഞെടുത്തത്.   
കഴിഞ്ഞ ഒക്ടോബറില്‍ ആരോഗ്യ കാരണങ്ങളാല്‍ മുന്‍ സിക്രട്ടറി ജനറലായിരുന്ന ഇയാദ് മദനി രാജിവച്ച ഒഴിവിലേക്കാണ് മുന്‍ സഊദി ക്ഷേമ കാര്യ മന്ത്രിയായിരുന്ന യുസുഫ് അഹമദ് അല്‍ ഉതൈമീയെ തെരഞ്ഞെടുത്തത്.