കണ്ണൂര്‍: എല്‍.ഐ.സിയില്‍ 1985 മെയ് 20നും 1991 മാര്‍ച്ച് നാലിനും ഇടയില്‍ ജോലിയില്‍ ചേര്‍ന്ന താല്‍ക്കാലിക ജീവനക്കാരുടെ യോഗം നാളെ ഉച്ചയ്ക്ക് രണ്ടിനു കോഴിക്കോട് മാനാഞ്ചിറ പബ്ലിക് ലൈബ്രറി ഹാളില്‍ ചേരും. സെന്‍ട്രല്‍ ഇന്‍ഡസ്ട്രിയല്‍ ട്രിബ്യൂണല്‍ ഉത്തരവു സംബന്ധിച്ച് ചര്‍ച്ച ചെയ്യുന്നതിനു എല്‍.ഐ.സി എംപ്ലോയിസ് യൂനിയന്റെ നേതൃത്വത്തിലാണ് യോഗം. ഫോണ്‍ 9447635569, 9447417270.

തായാട്ട് പുരസ്‌കാരം പള്ളിയറ ശ്രീധരന്

തലശ്ശേരി: പ്രശസ്ത സാഹിത്യകാരനും മികച്ച അധ്യാപകനുമായിരുന്ന കെ തായാട്ടിന്റെ സ്മരണക്കായി ഏര്‍പ്പെടുത്തിയ പുരസ്‌കാരത്തിന് പ്രശസ്ത ബാലസാഹിത്യകാരന്‍ പള്ളിയറ ശ്രീധരന്‍ അര്‍ഹനായി. നൂറോളം കൃതികള്‍ രചിച്ച പള്ളിയറ ശ്രീധരന്‍ സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട് ഡയറക്ടര്‍ കൂടിയാണ്. 10001 രൂപയും പ്രശസ്തിപത്രവും ശില്‍പവും അടങ്ങിയതാണ് പുരസ്‌കാരം. ഡിസംബര്‍ നാലിന് വൈകുന്നേരം നാലിന് ചമ്പാട്ടെ തായാട്ട് വീട്ടുമുറ്റത്ത് കവി പി.പി ശ്രീധരനുണ്ണി പുരസ്‌കാര സമര്‍പ്പണം നടത്തും. വാര്‍ത്താ സമ്മേളനത്തില്‍ രാജു കാട്ടുപുനം, ഡോ. കെ.വി ശശിധരന്‍, പ്രേമാനന്ദ് ചമ്പാട്, രാജേന്ദ്രന്‍ തായാട്ട്, രാഹുലന്‍ തായാട്ട്, ശ്രീലതാ തായാട്ട് പങ്കെടുത്തു.