ഗുരുവായൂര്‍: മാവിന്‍ചോട് സെന്ററില്‍ ബൈക്കപകടത്തില്‍ രണ്ടു പേര്‍ക്ക് പരുക്കേറ്റു. ചൊവ്വല്ലൂര്‍പ്പടി ചെഞ്ചേരിവീട്ടില്‍ രാമകൃഷ്ണന്‍ (55), തൈക്കാട് വടക്കത്ത് വീട്ടില്‍ സുമിത് (19) എന്നിവര്‍ക്കാണ് പരുക്കേറ്റത്.
രാവിലെ 10.45നാണ് അപകടമുണ്ടായത്. നടന്നുപോവുകയായിരുന്ന രാമകൃഷ്ണനെ സുമിത് ഓടിച്ചിരുന്ന ബൈക്ക് ഇടിക്കുകയായിരുന്നു.
ബൈക്കില്‍ നിന്നുവീണാണ് സുമിതിന് പരുക്കേറ്റത്. ഗുരുവായൂരില്‍ നിന്നും ആക്ട്‌സ് പ്രവര്‍ത്തകരെത്തി ഇരുവരേയും ചൂണ്ടല്‍ സെന്റ് ജോസഫ് ആശുപത്രിയില്‍ പ്രവേശിപ്പിച്ചു.