ഇരിട്ടി: കാക്കയങ്ങാട് പാലപ്പുഴയില്‍ വീടിനുനേരെ ബോംബേറ്. ഓട്ടോറിക്ഷാ ഡ്രൈവര്‍ എളമ്പയില്‍ കെ ബാബുവിന്റെ വീടിനു നേരെയായിരുന്നു ഇന്നലെ പുലര്‍ച്ചെയോടെ ആക്രമണം നടന്നത്. കാര്‍ പോര്‍ച്ചില്‍ വീണ ബോംബ് പൊട്ടി വീടിന്റെ ഭിത്തിക്കും രണ്ടു ജനലുകള്‍ക്കും കേടുപാട് സംഭവിച്ചു. മുഴക്കുന്ന് എസ്.ഐ പി.എ ഫിലിപ്പിന്റെ നേതൃത്വത്തില്‍ പൊലിസ് അന്വേഷണം ആരംഭിച്ചു.
സംഭവത്തില്‍ രാഷ്ട്രീയമില്ലെന്നാണ് പൊലിസ് പറയുന്നത്.
എന്നാല്‍ ബാബു സി.പി.എം പ്രവര്‍ത്തകനാണെന്ന് സി.പി.എമ്മും ബി.ജെ.പി അനുഭാവിയാണെന്ന് ബി.ജെ.പിയും പ്രസ്താവനയില്‍ അവകാശപ്പെട്ടു.