മരങ്ങാട്ടുപിള്ളി: ട്രാക്കില്‍ ഇറങ്ങിയാല്‍ അഞ്ജനയെന്ന പത്താംക്ലാസ് വിദ്യാര്‍ഥിനി ഒരു പുലിയാണ് പായും പുലി.
കഴിഞ്ഞ തവണ താന്‍ മത്സരിച്ചു നേടിയ വിഭാഗത്തില്‍ തന്നെ ഇത്തവണയും അഞ്ജന വിജയം ഉറപ്പിച്ചു.
അഞ്ജനയ്‌ക്കൊപ്പം ഓടുന്നവരോട് കണ്ടു നില്‍ക്കുന്നവര്‍ക്ക് ഒരുപക്ഷേ ഒന്നേ പറയാനുണ്ടാകൂ ഓടണ്ടാ.. ഓടണ്ടാ അഞ്ജനയെ തോല്‍പ്പിക്കാന്‍ ഓടണ്ടാ...
ജൂനിയര്‍ വിഭാഗം പെണ്‍കുട്ടികളുടെ 400, 800 മീറ്റര്‍ ഓട്ടത്തില്‍ മത്സരത്തിലാണ് അഞ്ജന വിജയം ഉറപ്പിച്ചത്.
പാലാ സെന്റ് മേരീസ് സ്‌കൂളിലെ പത്താം ക്ലാസ് വിദ്യാര്‍ഥിയാണ്.
ഇന്നു നടക്കുന്ന 1500മീറ്റര്‍ ഓട്ടത്തിലും അഞ്ജന മത്സരിക്കുന്നുണ്ട്.
ഈരാറ്റുപേട്ട കടുവാമൂഴി ഇഞ്ചിയില്‍ ഇ.ആര്‍. സുരേഷ്- ദീപ സുരേഷ് ദമ്പതികളുടെ മകളാണ്.
അച്ഛന്‍ കുത്താട്ടുകുളം സ്‌റ്റേഷനിലെ സിവില്‍ പോലീസ് ഓഫീസറാണ്.