തലശ്ശേരി: വീട്ടില്‍ കയറി മര്‍ദിച്ചതിനെ തുടര്‍ന്നു ഗൃഹനാഥനും ഭാര്യക്കും മക്കള്‍ക്കും പരുക്കേറ്റ സംഭവത്തില്‍ മൂന്നു പേര്‍ക്കെതിരേ ധര്‍മ്മടം പൊലിസ് കേസെടുത്തു. കൊടുവള്ളി ആമുക്ക പള്ളിക്കു സമീപം പ്രിയദര്‍ശിനിയില്‍ സുരേഷ്(55), സൗദാമിനി(45), മകള്‍ ലക്ഷ്മി(16) എന്നിവരെ അക്രമിച്ച സംഭവത്തില്‍ ആണ്ടി , സുധി തുടങ്ങി മൂന്നു പേര്‍ക്കെതിരേയാണു പൊലിസ് കേസെടുത്തത്.
പരുക്കേറ്റ മൂന്നു പേരും തലശ്ശേരി ജനറലാശുപത്രിയില്‍ ചികിത്സയിലാണ്. ഞായാറാഴ്ച ഉച്ചയോടെ ഇവരെ ഒരു സംഘം വീട്ടില്‍ കയറി അക്രമിച്ചുവെന്നാണു കേസ്.
ദേശീയപാതക്കു സമീപം ഉദാരമതികള്‍ നല്‍കിയ ഇവരുടെ വീട് കൈയേറാന്‍സമീപത്തെ വര്‍ക്ക്‌ഷോപ്പുടമയും മറ്റും ശ്രമിക്കുന്നതായി നേരത്തെ പരാതിയുണ്ടായിരുന്നു.