വെഞ്ഞാറമൂട്: വാമനപുരം എക്‌സൈസ് അധികൃതര്‍ നടത്തിയ റെയിഡില്‍ 12 ലിറ്റര്‍ വിദേശമദ്യവും ഓട്ടോറിക്ഷയും പിടികൂടി. സംഭവത്തില്‍ മൂന്നുപേര്‍ അറസ്റ്റിലുമായി. പൊയ്കമുക്ക് പാറയടി അഖില്‍ നിവാസില്‍ അഖില്‍ (23), പൊയ്കമുക്ക് വാറുവിള വീട്ടില്‍ സജിത്ത് (23), പൊയ്കമുക്ക് പാറയടി മണമ്പൂര്‍ കോണത്ത് വീട്ടില്‍ ബാബു (53) എന്നിവരാണ് അറസ്റ്റിലായത്.
കഴിഞ്ഞ ദിവസം രാത്രി 9.30ന് വെഞ്ഞാറമൂട് ജംഗ്ഷനില്‍ ഇവിടത്തെ ബിവറേജസ് ഔട്ട്‌ലെറ്റില്‍ നിന്നും വന്‍ തോതില്‍ മദ്യം വാങ്ങി ഓട്ടോയില്‍ കൊണ്ടുപോകുന്നതിനിടെയാണ് എക്‌സൈസ് സംഘത്തിന്റെ പിടിയില്‍പെട്ടത്. എക്‌സൈസ് ഇന്‍സ്‌പെക്ടര്‍ എസ്.എ സുരേന്ദ്രന്‍, പ്രിവന്റീവ് ഓഫീസര്‍മാരായ നസീര്‍, ഷാജി, അനിരുദ്ധന്‍, മനോജ്കുമാര്‍ എന്നിവര്‍ ഉള്‍പ്പെട്ട സംഘമാണ് പ്രതികളെ പിടികൂടിയത്.