മലപ്പുറം: ഡി.സി.സി പ്രസിഡന്റായി ചുമതലയേറ്റ വി.വി പ്രകാശിനെ ആശീര്‍വദിക്കാന്‍ ലക്ഷദ്വീപ് പി.സി.സി പ്രസിഡന്റും മുന്‍ എം.പിയുമായ പി.എം ഹംദുല്ല സഈദ് എത്തി.
കഴിഞ്ഞ ദിവസം വൈകുന്നേരം വി.വി പ്രകാശിന്റെ വീട്ടിലെത്തിയായിരുന്നു ഹംദുല്ല സഈദിന്റെ ആശീര്‍വാദം.
ദേശീയരാഷ്ട്രീയവും ലക്ഷദ്വീപിലെ അടുത്ത തെരഞ്ഞെടുപ്പിന്റെ മുന്നൊരുക്കങ്ങളുമെല്ലാം ഒരു മണിക്കൂര്‍ നീണ്ട കൂടിക്കാഴ്ചയില്‍ പരസ്പരം പങ്കുവച്ചു.
ജിദ്ദ ഒ.ഐ.സി.സി കാരുണ്യവിഭാഗം തലവനും ഗോവ പ്രവാസി സമ്മേളനം അവാര്‍ഡ് ജേതാവുമായ അഷ്‌റഫ് ദോസ്ത് കാളികാവും കൂടെയുണ്ടായിരുന്നു.
സമസ്ത പ്രസിഡന്റിന്റെ നിര്യാണത്തെ തുടര്‍ന്ന് മലപ്പുറത്ത് സംഘടിപ്പിച്ച അനുസ്മരണ സമ്മേളനത്തില്‍ പങ്കെടുക്കാനെത്തിയതായിരുന്നു അദ്ദേഹം.