പട്ടാമ്പി: ജനുവരി നാല് മുതല്‍ ഏഴു വരെ പട്ടാമ്പിയില്‍ നടക്കുന്ന ജില്ലാ സ്‌കൂള്‍ കലോത്സവത്തിന്റെ ലോഗോ പ്രകാശനവും അവലോകനയോഗവും മുഹമ്മദ് മുഹ്‌സിന്‍ എം.എല്‍.എ ഉദ്ഘാടനം ചെയ്തു. പട്ടാമ്പി ഗവ.ഹൈസ്‌കൂളില്‍ നടന്ന ചടങ്ങില്‍ ലോഗോ പ്രകാശനം എം.എല്‍.എ മീഡിയ പബ്ലിസിറ്റി കണ്‍വീനര്‍ വിജയന്‍ പൂവക്കോടിന് കൈമാറി നിര്‍വഹിച്ചു.
വല്ലപ്പുഴ സ്‌കൂളിലെ ചിത്രകലാധ്യാപകനായ സലാമാണ് ലോഗോ രൂപകല്‍പന ചെയ്തത്. സ്വാഗതസംഘം ചെയര്‍മാന്‍ കെ.പി വാപ്പുട്ടി അധ്യക്ഷനായി. ഡി.ഡി.ഇ ശ്രീനിവാസന്‍, എം.ആര്‍ രോഹിണി,സി സംഗീത, പ്രധാനധ്യാപിക സുഹറ ബീവി, പ്രിന്‍സിപ്പല്‍ മഹാലിംഗം, പി.ടി.എ പ്രസിഡന്റ് രാമകൃഷ്ണന്‍ സംസാരിച്ചു. പട്ടാമ്പി ഗവ.യു.പി സ്‌കൂള്‍,മാര്‍ക്കറ്റ് ഗ്രൗണ്ട്, ഗവ.ഹയര്‍സെക്കന്‍ഡറി സ്‌കൂള്‍ എന്നിവിടങ്ങളിലാണ് വേദിയൊരുങ്ങുന്നത്.