അങ്കാറ: തുര്‍ക്കിയിലെ റഷ്യന്‍ അംബാസിഡര്‍ ആന്‍ഡ്രേ ലാവ്‌റോസിന്റെ വധത്തില്‍ അന്വേഷണം നടത്താന്‍ റഷ്യയില്‍ നിന്ന് പ്രത്യേക സംഘം. ഇതിനായി 18 അംഗ സംഘത്തെ റഷ്യ പ്രഖ്യാപിച്ചു.

ഒരു പ്രോസിക്യൂട്ടര്‍, രണ്ട് പ്രതിരോധ വകുപ്പ് ഉദ്യോഗസ്ഥര്‍ എന്നിവരടങ്ങുന്നതാണ് സംഘം. റഷ്യന്‍ പ്രസിഡന്റ് വഌദ്മിര്‍ പുടിന്‍, തുര്‍ക്കി പ്രസിഡന്റ് റജബ് ത്വയ്യിബ് ഉര്‍ദുഗാന്‍ എന്നിവരുടെ തീരുമാനപ്രകാരമാണ് അന്വേഷണ സംഘത്തെ നിയോഗിച്ചത്.

തുര്‍ക്കി തലസ്ഥാനമായ അങ്കാറയില്‍ ഒരു പരിപാടിയില്‍ സംബന്ധിച്ച് സംസാരിക്കവേയാണ് ലാവ്‌റോസിന് വെടിയേറ്റത്.