മെക്‌സികോ സിറ്റി: മെക്‌സിക്കോയില്‍ പടക്കക്കടകള്‍ക്ക് തീപിടിച്ച് 29 പേര്‍ മരിച്ചു. നൂറിലധികം പേര്‍ക്കു പരുക്കേറ്റിട്ടുണ്ട്. പരുക്കേറ്റവരില്‍ 10 പേര്‍ കുട്ടികളാണ്.


മെക്‌സിക്കോയിലെ പാന്‍ പാബ്ലിറ്റോ പടക്കച്ചന്തയിലാണ് തീപിടിത്തം ഉണ്ടായത്. നൂറിലധികം കടകള്‍ക്ക് തീപിടിച്ചു. കനത്ത പുകയും രൂക്ഷ ഗന്ധവും മൂലം പ്രദേശത്തുനിന്ന് ആളുകളെ ഒഴിപ്പിച്ചിട്ടുണ്ട്.

ക്രിസ്മസിനായി ഒരുക്കിയിരുന്ന പടക്കങ്ങള്‍ക്കാണ് തീപിടിച്ചത്.

72 പേര്‍ക്കു പരുക്കേറ്റെന്നാണ് സര്‍ക്കാര്‍ കണക്ക്. എന്നാല്‍ പരുക്കേറ്റവരുടെ എണ്ണം അതിലും കൂടാനാണ് സാധ്യതയെന്ന് പ്രാദേശിക പത്രം റിപ്പോര്‍ട്ടു ചെയ്തു.

(വിഡിയോ കടപ്പാട്: വാഷിംഗ്ടണ്‍ പോസ്റ്റ്‌)