ചീമേനി: കയ്യൂര്‍ ചീമേനി പഞ്ചായത്തിന്റെയും കയ്യൂര്‍ പ്രാഥമിക ആരോഗ്യ കേന്ദ്രത്തിന്റെയും സംയുക്താഭിമുഖ്യത്തില്‍ നടപ്പാക്കി വരുന്ന സാന്ത്വന പരിചരണം പദ്ധതിയുടെ ഭാഗമായി പഞ്ചായത്തിലെ സന്നദ്ധ പ്രവര്‍ത്തകര്‍ക്കു വേണ്ടി ഏകദിന പരിശീലന പരിപാടി സംഘടിപ്പിച്ചു. പഞ്ചായത്ത് പ്രസിഡന്റ് കെ ശകുന്തള ഉദ്ഘാടനം ചെയ്തു. വൈസ് പ്രസിഡന്റ് ഗംഗാധര വാര്യര്‍ അധ്യക്ഷനായി. പാലിയേറ്റിവ് പരിചരണ പരിപാടിയുമായി ബന്ധപ്പെട്ട് കെ.ജെ പ്രവീണ്‍ കുമാര്‍, ഷിജി മനോജ് ക്ലാസെടുത്തു. മെഡിക്കല്‍ ഓഫിസര്‍ ഡോ. ജയേഷ് ലാല്‍, പഞ്ചായത്ത് അംഗങ്ങളായ എ സുഭാഷ്, കെ മോഹനന്‍, സുകുമാരന്‍, കുഞ്ഞികൃഷ്ണന്‍, എം ബാബു സംബന്ധിച്ചു.