കാസര്‍കോട്: ഉദുമ പടിഞ്ഞാര്‍ മുഹ്‌യുദ്ദിന്‍ ജമാഅത്ത് കമ്മിറ്റിയുടെയും യു.എ.ഇ കമ്മിറ്റിയുടെയും സംയുക്താഭിമുഖ്യത്തില്‍ പി മുഹമ്മദ്കുഞ്ഞി, പി.കെ മുഹമ്മദ് കുഞ്ഞി ഹാജി മെമ്മോറിയല്‍ അവാര്‍ഡ് വിതരണവും സാംസ്‌കാരിക സായാഹ്നവും നാളെ നടക്കുമെന്നു സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
വൈകുന്നേരം അഞ്ചിന് ഉദുമ പടിഞ്ഞാര്‍ ജമാഅത്ത് ഇംഗ്ലീഷ് മീഡിയം സ്‌കൂള്‍ (ജെംസ്) ഓഡിറ്റോറിയത്തില്‍ റവന്യൂ മന്ത്രി ഇ ചന്ദ്രശേഖരന്‍ ഉദ്ഘാടനം ചെയ്യും. ജമാഅത്ത് പ്രസിഡന്റ് കെ.കെ അബ്ദുല്ല ഹാജി ഖത്തര്‍ അധ്യക്ഷനാകും.മുഹമ്മദാലി കണ്ണൂരും സംഘവും അവതരിപ്പിക്കുന്ന മദ്ഹ് ഗാനങ്ങളും ഉണ്ടായിരിക്കും. വാര്‍ത്താസമ്മേളനത്തില്‍ ടി.വി മുഹമ്മദ് കുഞ്ഞി, ടി.എം ഹാരിസ്, കെ.എച്ച് മുസ്തഫ, രചന അബ്ബാസ്, പി.ഡി അബ്ദുല്‍ റഹ്്മാന്‍ സംബന്ധിച്ചു.