വല്ലേട്ട: ലിബിയയില്‍ നിന്ന് റാഞ്ചി മാള്‍ട്ടയില്‍ എത്തിച്ച വിമാനത്തിലെ ജീവനക്കാരടക്കം എല്ലാവരെയും മോചിപ്പിച്ചു. 111 യാത്രക്കാരും ഏഴു ജീവനക്കാരുമാണ് വിമാനത്തിലുണ്ടായിരുന്നത്. രണ്ടു റാഞ്ചികളും കീഴടങ്ങിയതായും മാള്‍ട്ട പ്രധാനമന്ത്രി ജോസഫ് മസ്‌കറ്റ് ട്വീറ്റ് ചെയ്തു.

2011 ല്‍ കൊല്ലപ്പെട്ട ലിബിയന്‍ പ്രസിഡന്റ് മുഅമ്മര്‍ ഗദ്ദാഫിയുടെ അനുയായികളാണിവരെന്നാണ് അധികൃതര്‍ പറയുന്നത്. ഇവരുടെ പേരു വിവരങ്ങള്‍ ലഭ്യമായിട്ടില്ല.

ലിബിയയില്‍ ആഭ്യന്തര സര്‍വീസ് നടത്തുന്ന വിമാനം റാഞ്ചിയ ശേഷം മാള്‍ട്ടയിലേക്ക് വഴിതിരിച്ചുവിടുകയായിരുന്നു. സുരക്ഷിതമായി മാള്‍ട്ടയിലെ വിമാനത്താവളത്തില്‍ ഇറക്കിയ വിമാനത്തില്‍ നിന്ന് മണിക്കൂറുകള്‍ക്കുള്ളില്‍ യാത്രക്കാരെ മോചിപ്പിക്കുകയായിരുന്നു. റാഞ്ചികള്‍ തന്നെയാണ് യാത്രക്കാരെ മോചിപ്പിച്ചത്.

എന്നാല്‍ എന്തിനാണ് വിമാനം റാഞ്ചിയതെന്നോ ആരാണ് ഇതിനു പിന്നലെന്നോ ഇതുവരെ വ്യക്തമായിട്ടില്ല. അഫ്‌രീഖിയ്യ എയര്‍വേയവ്‌സിന്റെ വിമാനമാണ് റാഞ്ചിയത്.

തെക്കുപടിഞ്ഞാറന്‍ നഗരമായ സെഭയില്‍ നിന്ന് തലസ്ഥാന നഗരിയായ ട്രിപ്പോളിയിലേക്ക് ആഭ്യന്തര സര്‍വീസ് നടത്തുന്ന വിമാനമാണ് റാഞ്ചിയത്.

ലിബിയയുടെ വടക്കന്‍ തീരത്തുനിന്ന് 500 കിലോ മീറ്റര്‍ ദൂരത്തായാണ് മാള്‍ട്ട എന്ന മദ്ധ്യധരണ്യാഴി ദ്വീപ്.