കോട്ടയം: കൊലപാതക കേസില്‍ പ്രതിസ്ഥാനത്തുള്ള വൈദ്യുതി മന്ത്രി എം.എം മണി രാജിവെയ്ക്കണമെന്നാവശ്യപ്പെട്ട് മുസ്‌ലിം യൂത്ത്‌ലീഗ് സംസ്ഥാനകമ്മിറ്റിയുടെ ആഹ്വാനപ്രകാരം ജില്ലാ കമ്മിറ്റിയുടെ നേതൃത്വത്തില്‍ കോട്ടയത്ത് പ്രകടനം നടത്തി. സമാപനയോഗം പ്രസിഡന്റ് കെ.എ മാഹിന്‍ ഉദ്ഘാടനം ചെയ്തു. സി.പി.എം അല്ലാത്ത പാര്‍ട്ടി നേതാക്കള്‍ക്കെതിരേ കേവലമായ ആരോപണങ്ങള്‍ വരുമ്പോള്‍ സമരകോലാഹലങ്ങള്‍ നടകത്തുകയും സ്വന്തം മന്ത്രിമാര്‍ പ്രതിസ്ഥാനത്തുവരുമ്പോള്‍ സംരക്ഷിക്കുകയും ചെയ്യുന്ന മാര്‍കിസ്റ്റ് നടപടി ജനങ്ങള്‍ തിരിച്ചറിയുമെന്ന് അദ്ദേഹം പറഞ്ഞു.ജില്ലാ ജന. സെക്രട്ടറി അജി കൊറ്റമ്പടം, ട്രഷറര്‍ ഷമീര്‍ തലനാട്, ജില്ലാ ഭാരവാഹികളായ സാജിത് എ.ബി.സി, അബ്‌സാര്‍ മുരിക്കോലി, മാഹിന്‍ വി.പി, സംസ്ഥാന കൗണ്‍സില്‍ അംഗങ്ങളായ സി.പി ബാസിത്, നാസര്‍ മുണ്ടക്കയം, ഹാഷിം താഴത്തങ്ങാടി, അഷറഫ് ഷൈനു, മണ്ഡലം ഭാരവാഹികളായ അന്‍സാരി കോട്ടയം, ലത്തീഫ്, സിയാദ്, അന്‍വര്‍ അലിയാര്‍, മുജീബ് റഹ്മാന്‍, അമിന്‍ പിട്ടയില്‍ പ്രകടനത്തിന് നേതൃത്വം നല്‍കി.