കാസര്‍കോട്: ജില്ലയിലെ മദ്‌റസകള്‍ കേന്ദ്രീകരിച്ച് എസ്.കെ.എസ്.ബി.വി യൂനിറ്റുകള്‍ സ്ഥാപക ദിനമാചരിച്ചു. കീഴുര്‍ ഹിദായത്തുല്‍ ഇസ്‌ലാം മദ്‌റസ യൂനിറ്റിന്റെ നേതൃത്വത്തില്‍ പച്ചക്കറിത്തോട്ടം നിര്‍മിച്ചു. നാസര്‍ മുസ്‌ലിയാര്‍ ഉദ്ഘാടനം ചെയ്തു. പ്രസിഡന്റ് മുഹമ്മദ് കുഞ്ഞി അധ്യക്ഷനായി. സദര്‍ മുഅല്ലിം മുഹമ്മദ് മുസ്‌ലിയാര്‍ കര്‍മ പദ്ധതി അവതരിപ്പിച്ചു. കുമ്പള ബദ്‌രിയ നഗര്‍ ബദ്‌റുല്‍ ഹുദ സെക്കന്‍ഡറി മദ്‌റസയില്‍ റെയ്ഞ്ച് തല ഉദ്ഘാടനം നടന്നു. മോണിംങ് അസംബ്ലി, പ്രാര്‍ത്ഥനസംഗമം, പതാക ഉയര്‍ത്തല്‍ തുടങ്ങിയ പരിപാടികളാണ് നടന്നത്. ജില്ലാ ജോ.കണ്‍വീനര്‍ പി.എച്ച് അസ്ഹരി ആദൂര്‍ പതാക ഉയര്‍ത്തി.
പൊവ്വല്‍ റൗളത്തുല്‍ ഉലൂം മദ്‌റസയില്‍ റെയ്ഞ്ച് തല പതാകദിനാചരണം നടത്തി. പൊവ്വല്‍ ജമാഅത്ത് സെക്രട്ടറി ബിസ്മില്ല മുഹമ്മദ് കുഞ്ഞി പതാക ഉയര്‍ത്തി. റശീദ് ഫൈസി പ്രാര്‍ത്ഥന നിര്‍വഹിച്ചു.