വിഴിഞ്ഞം: വിഴിഞ്ഞം മുഹിയ്യുദ്ദീന്‍ പള്ളി ഉറൂസിന് ഇന്ന് കൊടിയേറും.ഇന്ന് വൈകിട്ട് അഞ്ചുമണിക്ക് ഘോഷയാത്ര, തുടര്‍ന്ന് രാത്രി ഏഴി ന് തെക്കും ഭാഗം മുസ്‌ലിം ജമാത്ത് പ്രസിഡന്റ് എം.എം.യൂസഫ് ഖാന്‍ കൊടിയേറ്റ് കര്‍മം നിര്‍വഹിക്കും.രാത്രി എട്ടു മണിമുതല്‍ റാത്തീബ്, മൗലൂദ് പാരായണം, ബുര്‍ദഇശല്‍ വിരുന്ന് എന്നിവ നടക്കും. നാളെ മുതല്‍ ജനുവരി 9 വരെ രാത്രി 9.30 ന് മതപ്രഭാഷണ പരമ്പര ഉണ്ടായിരിക്കും. എട്ടിന് വൈകുന്നേരം ആറുമണിക്ക് നടക്കുന്ന മതസൗഹാര്‍ദ്ദ സമ്മേളനത്തില്‍ പ്രമുഖര്‍ പങ്കെടുക്കും. 9ന് വൈകിട്ട് ഏഴ് മണിക്ക് റാത്തീബ്, 10 ന് പലര്‍ച്ചെ 3.30 മുതല്‍ പട്ടണ പ്രദക്ഷിണം, രാവിലെ 6 ന് മൗലൂദ് പാരായണവും ദുആ:ക്ക് ശേഷം അന്നദാനത്തോടെ സമാപനം.ഉറൂസ് ദിവസങ്ങളില്‍ വിവിധ കെ.എസ്.ആര്‍.ടി.സി ഡിപ്പോകളില്‍ നിന്ന് ബസ് സര്‍വീസുകള്‍ ഉണ്ടായിരിക്കും.