തിരൂര്‍: ഇരുപത്തിയൊന്‍പതാമത് ജില്ലാ കലോത്സവ നഗരിയിലെ ഊട്ടുപുരയില്‍ ഇത്തവണ സ്റ്റീല്‍, ഫൈബര്‍ പാത്രങ്ങള്‍ മാത്രമേ ഉപയോഗിക്കൂ.
ഗ്രീന്‍ പ്രോട്ടോകോളിന്റെ ഭാഗമായാണിത്. ഡിസ്‌പോസിബിള്‍ പ്ലാസ്റ്റിക് പാത്രങ്ങളും മറ്റ് പ്ലാസ്റ്റിക് വസ്തുക്കളും പരമാവധി ഒഴിവാക്കിയാണ് ഇത്തവണത്തെ ജില്ലാ കലോത്സവം തിരൂരില്‍ അരങ്ങേറുന്നത്. കലോത്സവ നഗരിയിലെ മാലിന്യം സംസ്‌കരണ പ്ലാന്റുകളിലേക്കും എത്തിക്കും.വിഭവ സമൃദ്ധമായ ഭക്ഷണത്തിനൊപ്പം കലാമേളയ്‌ക്കെത്തുന്നവര്‍ക്ക് തിളപ്പിച്ചാറിയ കുടിവെള്ളം നല്‍കുമെന്നും ഭക്ഷണകമ്മിറ്റി അറിയിച്ചു.
ഒരേ സമയം രണ്ടായിരം പേര്‍ക്ക് ഭക്ഷണം കഴിക്കാനുള്ള സൗകര്യവും ഊട്ടുപുരയിലുണ്ടാകും. യോഗത്തില്‍ കമ്മിറ്റി ചെയര്‍മാന്‍ കല്‍പ്പ ബാവ, കണ്‍വീനര്‍ എം. അഹമ്മദ്, അംഗങ്ങളായ എ.കെ സൈനുദ്ദീന്‍, വി. അബ്ദുല്‍ ഗഫൂര്‍, കെ.പി അമാനുള്ള, കെ.എം അബ്ദുള്ള, കൗണ്‍സിലര്‍ ആിയശക്കുട്ടി എന്നിവര്‍ പങ്കെടുത്തു.