പാലക്കാട്:സര്‍ഗോത്സവത്തില്‍ പങ്കെടുക്കുന്ന വിദ്യാര്‍ഥികള്‍ക്ക് സ്ഥലവും, വീടും ഇല്ലാത്തവര്‍ക്ക് സൗജന്യമായി സര്‍ക്കാര്‍ നല്‍കുമെന്ന് മന്ത്രി പറഞ്ഞു.
സര്‍ഗോത്സവത്തില്‍ വിജയികളായ വിദ്യാര്‍ഥികള്‍ക്ക് സമ്മാനം വിതരണം ചെയ്ത് സംസാരിക്കുകയായിരുന്നു അദ്ദേഹം. കവിതരചന, കവിതപാരായണം, ലളിതഗാനം, മലയാള പ്രസംഗം എന്നി മത്സരങ്ങളിലെ വിജയികള്‍ക്ക് സമ്മാനം വിതരണം ചെയ്തു.
ഇതിന്റെ ഭാഗമായി മത്സരത്തിന് എത്തിയ വയനാട് കണിയാംപൊറ്റ ജി.എം.ആര്‍.എസ്സിലെ പ്ലസ് ടു വിദ്യാര്‍ഥിയും കാട്ടികുളം നരിമുണ്ടകൊല്ലി രാജീവന്റെ മകള്‍ ഹര്‍ഷക്ക് സ്ഥലവും വീടും നല്‍കാന്‍ മന്ത്രി ട്രൈബല്‍ ഡെവലപ്‌മെന്റ് ഓഫിസര്‍ക്ക് നിര്‍ദ്ദേശം നല്‍കി.
കുട്ടികളുടെ കഴിവ് തെളിയിക്കാന്‍ ലഭിക്കുന്ന സര്‍ഗോത്സവം കൂടാതെ വിദ്യാഭ്യാസ വകുപ്പും ഇടപെടുന്നതിന് വിദ്യാഭ്യാസ മന്ത്രിയെ നേരില്‍ കണ്ട് ചര്‍ച്ച ചെയ്യുമെന്ന് മന്ത്രി പറഞ്ഞു. മത്സരങ്ങള്‍ നേരില്‍ കണ്ടപ്പോഴാണ് എസ്.ടി വിഭാഗങ്ങളിലെ വിദ്യാര്‍ഥികള്‍ക്ക് അപാരമായ കഴിവുളളതായി കാണാനായത്.
ആദിവാസി മേഖലയില്‍ വിദ്യാര്‍ഥികള്‍ക്ക് തനത് ഭാഷ പഠിപ്പിക്കാനായി താല്‍കാലികമായി അധ്യാപകരെ നിയമിക്കുകയും ചെയ്യും. സുനില്‍. പി. ഇളയിടം, ടി.ആര്‍.അജയന്‍, അസി. കലക്ടര്‍ ഉമേഷ്‌കുമാര്‍ എന്നിവര്‍ പങ്കെടുത്തു.