കൊല്ലങ്കോട്: പുതുവര്‍ഷ ആഘോഷത്തിനിടെ എലവഞ്ചേരി കൊട്ടയംകാട്ടില്‍ യുവാക്കള്‍ തമ്മിലുള്ള സംഘര്‍ഷത്തില്‍ കുത്തേറ്റ് സജിത്ത് മരണമടഞ്ഞ കേസില്‍ മൂന്നു പേരെ അറസ്റ്റു ചെയ്തു.
ആണ്ടിത്തറകാട് സ്വദേശികളായ അനില്‍കുമാര്‍ (30) ശിവദാസന്‍ എന്ന സതീഷ് (36) അനീഷ് (27) എന്നിവരെയാണ് ഇന്നലെ ഒന്നരയോടെ കൊല്ലങ്കോട് സി. ഐ. എന്‍. എസ.് സലീഷും സംഘം അറസ്റ്റു ചെയ്തത്. തുടര്‍ന്ന് സംഭവസ്ഥലത്തു കൊണ്ടുപോയി തെളിവെടുപ്പ് നടത്തി കിഴക്കേമുറി കുളവരമ്പില്‍നിന്ന് കുത്തി കൊലപ്പെടുത്താന്‍ ഉപയോഗിച്ച കത്തി കണ്ടെടുത്തു. പ്രതികളുടെ എന്നുകരുതുന്ന വസ്ത്രവും ഉപേക്ഷിക്കപ്പെട്ട നിലയിലുള്ള ബൈക്കും കണ്ടെത്തി.
ബേബീസ് കലാസമിതിയില്‍ പുതുവര്‍ഷ ആഘോഷിക്കുന്നതിനിടെ ആണ്ടിത്തറകാട്ടിലെ അനില്‍ കുമാര്‍ കയറി പ്രശ്‌നമുണ്ടാക്കിയിരുന്നു.
ഇവരെ അന്വേഷിച്ചെത്തിയ ആണ്ടിത്തറ കാട്ടിലെ സുബീഷ്, സുമേഷ് എന്നിവരെ പിടിച്ചു വെക്കുകയും മര്‍ദ്ദിച്ചതായും പറയുന്നു.
സംഭവസ്ഥലത്ത് പോലീസ് എത്തിയാണ് ഇവരെ മോചിപ്പിച്ചത്. സുബീഷിന്റെ പരാതി പ്രകാരം കണ്ടാലറിയാവുന്നവര്‍ക്കെതിരേ കേസെടുത്തിട്ടുണ്ട്.
മുഹമ്മദ് കാസിം, എന്‍.എസ്, സലീഷ്, സജ്ജയ് കുമാര്‍, പി ഗണേഷ്, ജയകുമാര്‍, രാജേഷ്, ആര്‍. രതീഷ്. എം, നസീര്‍.എം, പ്രശാന്ത്, ഷെബീര്‍, സജിത എന്നിവരാണ് പൊലിസ് സംഘത്തിലുണ്ടായിരുന്നത്.