കളമശേരി: ശബരി എക്പ്രസ് ട്രെയിനില്‍ നിന്ന് വീണ ആസാം സ്വദേശി ഗുരുതരാവസ്ഥയില്‍. ജ്വല്ലാര്‍പേട്ടയില്‍ നിന്ന് നെയ്യാറ്റിന്‍ കരയ്ക്ക് വരികയായിരുന്ന ആസാംകാരനായ റോബിന്‍സന്‍ (30) ആണ് ഇടപ്പള്ളി റെയില്‍വേ സ്റ്റേഷന്‍ ട്രാക്കില്‍ വീണ് ഗുരുതരമായി പരുക്കേറ്റത്. ഇന്നലെ ഉച്ചയ്ക്ക് 1.30നാണ് അപകടമുണ്ടായത്. വിവരമറിഞ്ഞ തൃക്കാക്കര ഫയര്‍ സ്റ്റേഷനിലെ ലീഡിങ് ഫയര്‍മാന്‍ ജീവന്‍ ഐസക്കിന്റെ നേതൃത്വത്തില്‍ ജീവനക്കാര്‍ ആംബുലന്‍സുമായി എത്തി യുവാവിനെ കളമശേരി മെഡിക്കല്‍ കോളജിലെത്തിച്ചു.സര്‍ജറി ഐ.സി.യുവില്‍ കഴിയുന്ന ഇദ്ദേഹം അപകടനില തരണം ചെയ്തിട്ടില്ലെന്ന് ആശുപത്രി അധികൃതര്‍ അറിയിച്ചു. ട്രെയിനില്‍ നിന്ന് എങ്ങനെ വീണതാണെന്ന് വ്യക്തമല്ലെന്നും നിലവില്‍ ഇവിടെ സ്റ്റോപ്പില്ലെന്നും റെയില്‍വേ അധികൃതര്‍ പറഞ്ഞു.