ചേര്‍ത്തല: ജില്ലാ സഹോദയ സി.ബി.എസ്.ഇ സ്‌കൂള്‍ കായികമേള 14, 15 തീയതികളില്‍ ചേര്‍ത്തല സെന്റ് മൈക്കിള്‍സ് കോളേജ് ഗ്രൗïില്‍ നടക്കുമെന്ന് സഹോദയ ജില്ലാ പ്രസിഡന്റ് വി.സി കുര്യന്‍, ജനറല്‍ കണ്‍വീനര്‍ ഡയാന ജേക്കബ് എന്നിവര്‍ അറിയിച്ചു.
വയലാര്‍ പണിക്കവീട്ടില്‍ സര്‍ സെബാസ്റ്റ്യന്‍ സീനിയര്‍ സെക്കന്ററി സ്‌കൂള്‍ ആതിദേയത്വം വഹിക്കുന്ന കായികമേളയില്‍ ജില്ലയുടെ വിവിധ ഭാഗങ്ങളില്‍ നിന്നുള്ള അന്‍പതോളം സ്‌കൂളുകളില്‍ നിന്നുള്ള ആയിരത്തോളം കായിക പ്രതിഭകള്‍ 50 ഇനങ്ങളില്‍ മാറ്റുരയ്ക്കും. മേളയ്ക്ക് തുടക്കം കുറിച്ചുകൊï് ഇന്ന് വിളംബരജാഥ നടക്കും. ഉച്ചകഴിഞ്ഞ് 2.30ന് വയലാര്‍ പണിക്കവീട്ടില്‍ സ്‌കൂളില്‍ വയലാര്‍ ഗ്രാമപഞ്ചായത്ത് പ്രസിഡന്റ് സി.ആര്‍ ബാഹുലേയന്‍ ജാഥ ഉദ്ഘാടനം ചെയ്യും.
സ്‌കൂള്‍ മാനേജിംഗ് ഡയറക്ടര്‍ ഫാ.പി.എസ് ലിനോസ്, പ്രിന്‍സിപ്പാള്‍ ഡയാന ജേക്കബ് എന്നിവര്‍ പ്രസംഗിക്കും. തുടര്‍ന്ന് ചേര്‍ത്തല നഗരത്തിലെ പ്രധാന വീഥികളിലൂടെ പ്രയാണം നടത്തുന്ന ജാഥ വൈകുന്നേരത്തോടെ സെന്റ് മൈക്കിള്‍സ് കോളേജില്‍ എത്തിച്ചേര്‍ന്ന് സമാപിക്കും. 14ന് രാവിലെ ഒന്‍പതിന് എഡിജിപി പത്മകുമാര്‍ പതാക ഉയര്‍ത്തുന്നതോടെ മേളയ്ക്ക് തുടക്കം കുറിക്കും. ടീച്ചേഴ്‌സ് അവാര്‍ഡ് ജേതാവ് കെ.പ്രതാപന്‍ ദീപശിഖ തെളിയിക്കും. എ.എം ആരിഫ് എംഎല്‍എ കായികമേള ഉദ്ഘാടനം ചെയ്യും. സഹോദയ പ്രസിഡന്റ് വി.വി കുര്യന്‍ അധ്യക്ഷത വഹിക്കും. സഹോദയ ട്രഷറര്‍ ഡയാന ജേക്കബ്, ഫാ.പി.എസ് ലിനോസ്, സി.ആര്‍ ബാഹുലേയന്‍, യു.ജി ഉണ്ണി, രമണി പ്രകാശന്‍, രജിമോള്‍ ബിജു, സിസ്റ്റര്‍ ആഗ്‌നറ്റ്, ജൂബി പോള്‍ എന്നിവര്‍ പ്രസംഗിക്കും.
15ന് നടക്കുന്ന സമാപന സമ്മേളനത്തില്‍ ഭക്ഷ്യസിവില്‍ സപ്ലൈസ് വകുപ്പ് മന്ത്രി പി.തിലോത്തമന്‍ വിജയികള്‍ക്ക് ട്രോഫികള്‍ വിതരണം ചെയ്യും. കെ.സി വേണുഗോപാല്‍ എംപി എക്‌സലന്‍സി അവാര്‍ഡുകള്‍ നല്‍കും. വി.സി കുര്യന്‍ അധ്യക്ഷത വഹിക്കുന്ന ചടങ്ങില്‍ മാല ശശി, സി.വി ഐസക്, ജോണ്‍ ബോസ്, സിസ്റ്റര്‍ സെബി എന്നിവര്‍ പ്രസംഗിക്കും.
സഹോദയ ജില്ലാ സെക്രട്ടറി ജൂബി പോള്‍ പണിക്കവീട്ടില്‍ സെന്റ് സെബാസ്റ്റ്യന്‍ സീനിയര്‍ സെക്കന്ററി സ്‌കൂള്‍ പിടിഎ പ്രസിഡന്റ് നജീബ്, വൈസ് പ്രസിഡന്റ് അജി സജിലാല്‍, കായികമേള പ്രോഗ്രാം കമ്മറ്റി കണ്‍വീനര്‍ ജയസൂര്യ എന്നിവരും വാര്‍ത്താസമ്മേളനത്തില്‍ പങ്കെടുത്തു.