കാസര്‍കോട്: എന്‍ഡോസള്‍ഫാന്‍ ദുരിതബാധിതര്‍ക്കു അഞ്ചു ലക്ഷം രൂപ വീതം നഷ്ടപരിഹാരം നല്‍കണമെന്ന സുപ്രിം കോടതി വിധി അടിയന്തിരമായും നടപ്പാക്കാന്‍ സര്‍ക്കാര്‍ നടപടി എടുക്കണമെന്ന് മുസ്്‌ലിം ലീഗ് ജില്ലാ പ്രവര്‍ത്തക സമിതി യോഗം ആവശ്യപ്പെട്ടു. ദുരിതബാധിതര്‍ക്കു കഴിഞ്ഞ യു.ഡി.എഫ് സര്‍ക്കാര്‍ പ്രഖ്യാപിച്ച നിരവധി ആനുകൂല്യങ്ങള്‍ തുടര്‍ന്നു കൊണ്ടു പോകുന്നതില്‍ സംസ്ഥാന സര്‍ക്കാര്‍ വൈകിപ്പിക്കുകയാണെന്നും യോഗം കുറ്റപ്പെടുത്തി.
പ്രസിഡന്റ് ചെര്‍ക്കളം അബ്ദുല്ല അധ്യക്ഷനായി. ജനറല്‍ സെക്രട്ടറി എം.സി ഖമുദ്ദീന്‍, ട്രഷറര്‍ എ അബ്ദുല്‍ റഹ്്മാന്‍, എം.എല്‍.എമാരായ പി.ബി അബ്ദുല്‍ റസാഖ്, എന്‍.എ നെല്ലിക്കുന്ന്, എ.ജി.സി ബഷീര്‍, മാഹിന്‍ കേളോട്ട്, കെ.ഇ.എ ബക്കര്‍, സി.ടി അഹമ്മദലി, പി മുഹമ്മദ് കുഞ്ഞി, കെ.എം ശംസുദ്ദീന്‍ ഹാജി, ടി.ഇ അബദുല്ല, എ.എ.ജലീല്‍ സംബന്ധിച്ചു. ഹമീദലി ശംനാടിന്റെ നിര്യാണത്തില്‍ യോഗം അനുശോചനം രേഖപ്പെടുത്തി.