മുംബൈ: ഇന്ത്യന്‍ അണ്ടര്‍ 19 ക്രിക്കറ്റ് ടീം ഫിസിക്കല്‍ ഫിറ്റ്‌നസ് ട്രെയിനര്‍ രാജേഷ് സാവന്തിനെ (40) മരിച്ച നിലയില്‍ കണ്ടെത്തി. ടീം താമസിച്ച ഹോട്ടലിലെ മുറിയിലാണ് രാജേഷിനെ മരിച്ച നിലയില്‍ കണ്ടെത്തിയത്. സന്നാഹ മത്സരം കഴിഞ്ഞ് രാത്രി കിടന്ന രാജേഷ് പിറ്റേ ദിവസം ടീം പരിശീലനത്തിനെത്തിയപ്പോള്‍ കാണാതായതിനെ തുടര്‍ന്നു അന്വേഷിച്ചപ്പോഴാണു ബോധമില്ലാതെ മുറിയില്‍ കിടക്കുന്നത് കണ്ടത്. ഉടന്‍ തന്നെ ആശുപത്രിയിലേക്ക് മാറ്റിയെങ്കിലും ജീവന്‍ രക്ഷിക്കാന്‍ സാധിച്ചില്ല. ഹൃദയാഘാതമാണു മരണ കാരണമെന്നാണ് വിവരങ്ങള്‍.