ആലുവ: കടുത്ത വേനലിനിടയിലും നഗരത്തില്‍ പ്രവര്‍ത്തിക്കുന്ന അനധികൃത കുടിവെള്ള വില്‍പ്പന കേന്ദ്രങ്ങളുടെ പ്രവര്‍ത്തനം നഗരസഭ കൗണ്‍സില്‍ നിരോധിച്ചു. കൗണ്‍സില്‍ യോഗത്തില്‍ എ.സി. സന്തോഷ് കുമാര്‍ അവതരിപ്പിച്ച പ്രമേയം ഏകകണ്ഠമായിട്ടാണ് പാസാക്കിയത്.
നഗരത്തിന്റെ വിവിധ ഭാഗങ്ങളിലായി പത്തിലേറെ അനധികൃത കുടിവെള്ളമൂറ്റ് കേന്ദ്രങ്ങള്‍ പ്രവര്‍ത്തിക്കുന്നതായി പരിശോധനയില്‍ കണ്ടെത്തിയിട്ടുണ്ട്. കിണറുകളില്‍ ഉറവവറ്റി കുടിവെള്ള ക്ഷാമം രൂക്ഷമായിട്ടും ഇത്തരം കേന്ദ്രങ്ങള്‍ പ്രവര്‍ത്തിക്കുകയാണ്.
നിരോധന ഉത്തരവ് നടപ്പാക്കുന്നതിനായി ജില്ലാ കളക്ടര്‍, പൊലീസ് മേധാവി, തഹസില്‍ദാര്‍ എന്നിവരുടെ സഹായം തേടുന്നതിനും കൗണ്‍സില്‍ യോഗം തീരുമാനിച്ചതായി ചെയര്‍പേഴ്‌സണ്‍ ലിസി എബ്രഹാം അറിയിച്ചു.