HOME
DETAILS

ബി.ജെ.പി പ്രവര്‍ത്തകന്റെ മരണം ഒരു പ്രതി വിദേശത്തേക്ക് കടന്നതായി സൂചന

  
backup
May 28 2016 | 00:05 AM

%e0%b4%ac%e0%b4%bf-%e0%b4%9c%e0%b5%86-%e0%b4%aa%e0%b4%bf-%e0%b4%aa%e0%b5%8d%e0%b4%b0%e0%b4%b5%e0%b4%b0%e0%b5%8d%e2%80%8d%e0%b4%a4%e0%b5%8d%e0%b4%a4%e0%b4%95%e0%b4%a8%e0%b5%8d%e0%b4%b1%e0%b5%86-5

കൊടുങ്ങല്ലൂര്‍: എടവിലങ്ങില്‍ ബി.ജെ.പി പ്രവര്‍ത്തകന്‍ തലക്കടിയേറ്റ് മരിച്ച കേസിലെ ഒരു പ്രതി വിദേശത്തേക്ക് കടന്നതായി സൂചന. പ്രതികളിലൊരാളും, ഇവര്‍ സഞ്ചരിച്ചിരുന്ന ആഡംബര കാറിന്റെ ഉടമയുമായ പെരിഞ്ഞനം സ്വദേശിയാണ് പൊലിസിനെ വെട്ടിച്ച് വിദേശത്തേക്ക് കടന്നത്.
 ഇയാളുടെ കാര്‍ പൊലിസ് കസ്റ്റഡിയിലാണ്.
സംഭവ ദിവസം എടവിലങ്ങ് കുഞ്ഞനിയിലെത്തിയ ആഡംബര കാര്‍ ഓടിച്ചിരുന്നത് ഇയാളായിരുന്നു. സംഘര്‍ഷത്തിന് ശേഷം മടങ്ങിയ സംഘം, ബി.ജെ.പി പ്രവര്‍ത്തകനായ പ്രമോദ് മരിച്ച വിവരമറിഞ്ഞ് ഒളിവില്‍ പോകുകയായിരുന്നു. അന്വേഷണം പുരോഗമിക്കുന്നതിനിടയിലാണ് മൂന്നാം പ്രതിയായ കാറുടമ സൗദി അറേബ്യയിലേക്ക് കടന്നത്. സൗദിയില്‍ ബിസിനസ്സ് നടത്തിവരികയാണ് ഇയാള്‍. പ്രമോദിനെ തലക്കടിച്ച സംഘത്തിലുണ്ടായിരുന്ന മറ്റു ചിലര്‍ സംസ്ഥാനം വിട്ടതായും സംശയിക്കുന്നുണ്ട്.
 ഇവരാരും തന്നെ മൊബൈല്‍ ഫോണ്‍ ഉപയോഗിക്കുന്നില്ലെന്നതാണ് പൊലിസിനെ കുഴക്കുന്നത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."