തിരുവനന്തപുരം; ലോ അക്കാദമി പ്രിന്‍സിപ്പലിനെതിരായ സമരം ഒത്തുതീര്‍പ്പാക്കാന്‍ വിദ്യാഭ്യാസമന്ത്രി പ്രഫസര്‍ സി.രവീന്ദ്രനാഥ് വിദ്യാര്‍ഥികളുമായി നടത്തിയ ചര്‍ച്ച പരാജയം.

 ചര്‍ച്ച തീരുമാനമാകാത്തതിനെ തുടര്‍ന്ന് മന്ത്രി ചര്‍ച്ചയില്‍ നിന്ന് ഇറങ്ങിപ്പോയി.മാനേജ്‌മെന്റ് പറയുന്നത് മന്ത്രി ഏറ്റ് പറയുകയാണെന്ന് വിദ്യാര്‍ഥികള്‍ ആരോപിച്ചു.

അതേസമയം അഞ്ച് വര്‍ഷം പ്രിന്‍സിപ്പല്‍ ലക്ഷ്മി നായര്‍ മാറി നില്‍ക്കാമെന്ന് നല്‍കിയ ഉറപ്പില്‍ വിദ്യാര്‍ഥികള്‍ സമരത്തില്‍  നിന്ന് പിന്മാറണമെന്ന് വിദ്യാഭ്യാസമന്ത്രി ആവശ്യപ്പെട്ടു.

യോഗത്തില്‍ മന്ത്രിയും വിദ്യാര്‍ഥികളും തമ്മില്‍ രൂക്ഷമായ തര്‍ക്കമുണ്ടായി. അഞ്ച് വര്‍ഷം എന്ന് പരിമിതപെടുത്തരുതെന്നും ലക്ഷ്മി നായരെ പൂര്‍ണമായും ഒഴിവാക്കണമെന്നും വിദ്യാര്‍ഥികള്‍ പറഞ്ഞത് മന്ത്രിയെ പ്രകോപ്പിച്ചു. തുടര്‍ന്നാണ് ചര്‍ച്ചയില്‍ നിന്ന് മന്ത്രി ഇറങ്ങിപ്പോയത്.

മന്ത്രിയുടെ ഇറങ്ങിപ്പോക്ക് ഉള്‍ക്കൊള്ളാനാകുന്നില്ലെന്ന് എ.ഐ.എസ്.എഫ് പറഞ്ഞു

മാനേജ്‌മെന്റിന്റെ വക്കാലത്തുമായാണ് മന്ത്രി വന്നിരിക്കുന്നതെന്ന് കെ.എസ്.യു ആരോപിച്ചു.

പുതിയ പ്രിന്‍സ്സിപ്പലെ നിയമിച്ച് ക്ലാസ് ആരംഭിക്കാന്‍ മന്ത്രി മാനേജ്ന്റിനോട് ആവശ്യപ്പെട്ടു.

ലോ അക്കാദമിയില്‍ തിങ്കളാഴ്ച മുതല്‍ ക്ലാസ് ആരംഭിക്കുമെന്ന് മാനേജ്‌മെന്റ് അറിയിച്ചു.

എന്നാല്‍ പ്രന്‍സിപ്പല്‍ രാജിവെക്കും വരെ സമരം കൂടുതല്‍ ശക്തമാക്കി മുന്നോട്ട് പോകുമെന്ന് വിദ്യാര്‍ഥികള്‍ പറഞ്ഞു.

സ്വകാര്യ കോളേജിനെതിരെ നടപടിയെടുക്കാന്‍ പരിമിതിയുണ്ടെന്നും സര്‍വകലാശാലയാണ് നടപടിയെടുക്കേണ്ടെതെന്നും മന്ത്രി പിന്നീട് മാധ്യമങ്ങളോട്  പറഞ്ഞു