കൊണ്ടോട്ടി: സംസ്ഥാന ഹജ്ജ് കമ്മിറ്റിക്ക് കീഴില്‍ ഹജ്ജ് തീര്‍ഥാടനത്തിന് ഇത്തവണ കഴിഞ്ഞ വര്‍ഷത്തേക്കാള്‍ അപേക്ഷകര്‍. അപേക്ഷ സ്വീകരണം നാളെ അവസാനിക്കുമെന്നിരിക്കെ ഇന്നലെ വരെയായി 77,291 അപേക്ഷകളാണ് ലഭിച്ചത്. കഴിഞ്ഞ വര്‍ഷം 76,417 അപേക്ഷകരാണ് ഉണ്ടായിരുന്നത്.
ഇതില്‍ 9943 പേര്‍ക്കാണ് നേരിട്ട് ഹജ്ജിന് അവസരം ലഭിച്ചത്. എന്നാല്‍ ഈ വര്‍ഷം 70 വയസിന് മുകളില്‍ പ്രായമുള്ളവര്‍ 1646 പേരും തുടര്‍ച്ചയായ അഞ്ചാം വര്‍ഷക്കാരായി 8964 പേരും ഉള്‍പ്പടെ 10,610 പേരുണ്ട്. കഴിഞ്ഞ വര്‍ഷം ആകെ 10,268 പേര്‍ക്കാണ് കേരളത്തില്‍ നിന്ന് ഹജ്ജിന് അവസരം ലഭിച്ചത്. നേരിട്ട് അവസരം ലഭിക്കുന്നവര്‍ കൂടിയതിനാല്‍ ക്വാട്ടയേക്കാള്‍ ഇരട്ടി സീറ്റാണ് ഇത്തവണ കേരളത്തിന് കൈവരിക.
അപേക്ഷകരുടെ നറുക്കെടുപ്പ് മാര്‍ച്ച് 14 മുതല്‍ 21 വരെയുള്ള തിയതികളില്‍ നടക്കും. ഹജ്ജിന് അവസരം ലഭിക്കുന്നവര്‍ ഏപ്രില്‍ അഞ്ചിനകം ആദ്യഗഡു പണമായ 81,000 രൂപ അടക്കണം. ഹജ്ജ് ട്രെയിനര്‍മാരുടെ മുംബൈയിലെ ട്രൈയിനിങ് ക്ലാസ് ഏപ്രില്‍ 21 മുതല്‍ 23 വരെ നടക്കും.