റിയാദ്: സഊദി അറേബ്യന്‍ തലസ്ഥാനമായ റിയാദില്‍ അനാശാസ്യവും മദ്യവാറ്റും നടത്തിയിരുന്ന കേന്ദ്രത്തിലെ 32 പേരെ പിടികൂടി. ഇവരില്‍ 29 പേര്‍ കെനിയയില്‍നിന്നുള്ള സ്ത്രീകളാണ്. മറ്റുള്ളവര്‍ മൂന്നു പാക് പൗരന്മാരാണ്.

ദാറുല്‍ ബൈദാ വില്ലേജിലുള്ള കേന്ദ്രത്തില്‍ നിന്നാണ് ഇവരെ പിടികൂടിയത്. 30നും 40നുമിടക്ക് പ്രായമുള്ള പാക് പൗരന്മാര്‍. ഇവരെ കുറിച്ച് രഹസ്യവിവരം ലഭിച്ചതിനെ തുടര്‍ന്നാണ് അധികൃതര്‍ പരിശോധന നടത്തി ഇവരെ പിടികൂടിയത്. 25 വീപ്പ മദ്യവും കേന്ദ്രത്തില്‍നിന്നു പിടികൂടിയിട്ടുണ്ട്. പ്രതികളെ തുടര്‍നടപടികള്‍ക്കായി പബ്‌ളിക് പ്രോസിക്യൂഷന് കൈമാറിയതായും പൊലിസ് വക്താവ് പറഞ്ഞു.