റിയാദ്: എണ്ണ ഉപഭോഗം വരുംവര്‍ഷങ്ങളില്‍ വര്‍ധിക്കുമെന്ന് എണ്ണ ഉല്‍പാദക രാജ്യങ്ങളുടെ കൂട്ടായ്മയായ ഒപെക്. 2040 ഓടെ പ്രതിദിന ഉപഭോഗം 109 ദശലക്ഷം ബാരലാകും.
2015ല്‍ പ്രതിദിനം 93 ദശലക്ഷം ബാരലാണ് വേണ്ടിയിരുന്നത്. എണ്ണയോടൊപ്പം പ്രകൃതിവാതക ഉപയോഗവും വര്‍ധിക്കും. 2040ല്‍ 590 ബില്യണ്‍ ക്യുബിക് അടി പ്രകൃതിവാതകം ആവശ്യമായി വരുമെന്നാണ് കണക്കുകള്‍. 2015ല്‍ ഇത് 350 ബില്യണ്‍ ക്യുബിക് അടി ആയിരുന്നു.
എണ്ണയുല്‍പാദനം വര്‍ധിക്കുന്നതിനനുസരിച്ച് ഈ മേഖലയില്‍ വന്‍തോതില്‍ നിക്ഷേപവും വേണ്ടിവരുമെന്ന് ഒപെക് അറിയിച്ചു.
ആഗോളവിപണിയില്‍ എണ്ണവില ഉയര്‍ത്തുകയെന്ന ലക്ഷ്യത്തോടെ ഒപെക് രാജ്യങ്ങള്‍ പ്രതിദിന ഉല്‍പാദനത്തില്‍ കുറവു വരുത്തിയിട്ടുണ്ടണ്ട്. പ്രതിദിനം 18 ലക്ഷം ബാരലിന്റെ കുറവ് വരുത്താനാണ് നവംബര്‍ 30ന് ഒപെക് രാജ്യങ്ങള്‍ തീരുമാനിച്ചിരുന്നത്.