തിരുവനന്തപുരം: തിരുവനന്തപുരം യത്തീംഖാനയുടെ 47 ാമത് വാര്‍ഷികത്തോടനുബന്ധിച്ച് ഏപ്രില്‍ 25,26,27 തിയതികളില്‍  തിരുവനന്തപുരത്ത് വച്ച് കേരളത്തിലെ മുഴുവന്‍ യത്തീംഖാനകളിലെയും വിദ്യാര്‍ഥികളെ പങ്കെടുപ്പിച്ചുകൊണ്ട് ആള്‍ കേരള യത്തീം സ്റ്റുഡന്‍സ് ഫെസ്റ്റ് സംഘടിപ്പിക്കുന്നു.  
ജൂനിയര്‍, സീനിയര്‍ വിഭാഗങ്ങളിലായി ഖുര്‍ആന്‍ ഹിഫ്‌ള്, ഖുര്‍ആന്‍ പാരായണം, പ്രസംഗം , ഉപന്യാസ രചന, ഇസ്‌ലാമിക് ക്വിസ്, ഇസ്‌ലാമിക ഗാനാലാപനം,ബുര്‍ദ, അറബിക് കൈയെഴുത്ത്, ബാങ്കുവിളി എന്നീയിനങ്ങളിലാണ് മത്സരം.
താല്‍പര്യമുള്ള വിദ്യാര്‍ഥികള്‍ തങ്ങളുടെ സ്ഥാപനങ്ങള്‍ മുഖേന മാര്‍ച്ച് 15ന് മുന്‍പ് രജിസ്റ്റര്‍ ചെയ്യണമെന്ന് ഭാരവാഹികള്‍ അറിയിച്ചു. വിവരങ്ങള്‍ക്ക് 0471 2501252, 2500207.