മനില: തെക്കന്‍ ഫിലിപ്പൈന്‍സില്‍ ഭൂകമ്പത്തില്‍ ആറു പേര്‍ മരിച്ചു. ശനിയാഴ്ചയാണ് ഭൂകമ്പമുണ്ടായത്. ആയിരങ്ങളെ മാറ്റി പാര്‍പ്പിച്ചിട്ടുണ്ട്.
മിണ്ടാനോവോ ദ്വീപിലെ വടക്കന്‍ നഗരമായ സുരിഗാഓയിലാണ് ശക്തമായ ഭൂകമ്പമുണ്ടായത്. റിക്ടര്‍ സ്‌കെയിലില്‍ 6.5 തീവ്രത രേഖപ്പെടുത്തി. കെട്ടിടങ്ങള്‍ തകര്‍ന്നു വീണാണ് മിക്കവരും മരിച്ചത്. നൂറിലേറെ പേര്‍ക്ക് പരുക്കേറ്റു. 11 നഗരങ്ങളില്‍ ഭൂകമ്പത്തിന്റെ ചലനം അനുഭവപ്പെട്ടു.