കോഴിക്കോട്: എസ്.കെ.ജെ.എം ജില്ലാ കമ്മിറ്റിയുടെ ആഭിമുഖ്യത്തില്‍ സമസ്ത വിദ്യാഭ്യാസ ബോര്‍ഡ് സെക്രട്ടറിയും കേരള ഹജ്ജ് കമ്മിറ്റി ചെയര്‍മാനുമായിരുന്ന കോട്ടുമല ടി.എം ബാപ്പു മുസ്‌ലിയാര്‍ അനുസ്മരണവും സമസ്ത സാരഥികള്‍ക്കുള്ള സ്വീകരണവും നാളെ പുതിയ ബസ് സ്റ്റാന്‍ഡിനടുത്തുള്ള കെ.പി കേശവമേനോന്‍ ഹാളില്‍ നടക്കും.
രാവിലെ 9.30ന് മൗലിദ് മജ്‌ലിസിന് സൈനുല്‍ ആബിദീന്‍ തങ്ങള്‍, ടി.വി.സി അബ്ദുസ്സമദ് ഫൈസി, ആര്‍.വി അബ്ബാസ് ദാരിമി, കെ.കെ മുസ്തഫ അല്‍ഹസനി, കെ. കുഞ്ഞായിന്‍ മൗലവി, എ.ടി മുഹമ്മദ് മാസ്റ്റര്‍, പി.കെ അബ്ദുല്ല ബാഖവി, പി. ലിയാഖത്തലി ദാരിമി നേതൃത്വം നല്‍കും. എം.ടി അബ്ദുല്ല മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും.
എസ്.കെ.ജെ.എം സംസ്ഥാന പ്രസിഡന്റ് സി.കെ.എം സ്വാദിഖ് മുസ്‌ലിയാരുടെ അധ്യക്ഷതയില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
എസ്.കെ.ജെ.എം ജില്ലാ പ്രസിഡന്റ് കെ.കെ ഇബ്‌റാഹീം മുസ്‌ലിയാര്‍ ഉപഹാര സമര്‍പ്പണം നടത്തും. ജില്ലയിലെ 57 റെയ്ഞ്ചുകളിലെയും ഭാരവാഹികള്‍ ചേര്‍ന്ന് സമസ്ത സാരഥികളെ സ്വീകരിക്കും. ഹസന്‍ സഖാഫി പൂക്കോട്ടൂര്‍ അനുസ്മരണ പ്രഭാഷണം നടത്തും.