ക്വിസ് മത്സരത്തില്‍ ആനന്ദിന്റെയും ശ്രുതിയുടെയും 'ദൗത്യം' ഇത്തവണയും വിജയത്തിലെത്തി. കണ്ണൂര്‍ സര്‍വകലാശാല യൂനിയന്‍ കലോത്സവത്തില്‍ ഈ ടീം നേടുന്ന തുടര്‍ച്ചയായ രണ്ടാമത്തെ വിജയമാണിത്. സര്‍ സയ്യിദ് കോളജ് തളിപ്പറമ്പിന് ഇവരുടെ വിജയം അഭിമാനമായി. സ്‌കൂള്‍ കലോത്സവങ്ങളില്‍ നിരവധി വിജയങ്ങള്‍ കൊയ്ത ആനന്ദ് കഴിഞ്ഞ വര്‍ഷത്തെ ഇന്റര്‍ സര്‍വകലാശാലാ കലോത്സവത്തില്‍ ക്വിസ് മത്സരത്തില്‍ രണ്ടാംസ്ഥാനം നേടിയിരുന്നു. കോളജിലെ എം.എസ്.സി കെമിസ്ട്രി വിദ്യാര്‍ഥിനിയായ ശ്രുതി കവിതാരചനയിലും കഴിഞ്ഞ തവണ ഒന്നാം സ്ഥാനം നേടിയിരുന്നു. ഇത്തവണയും മത്സരിക്കുന്നുണ്ട്. പറശ്ശിനിക്കടവിലെ പ്രഭാകരന്‍-രാജിനി ദമ്പതികളുടെ മകനാണ് ആനന്ദ്. പഴയങ്ങാടിയിലെ സുധാകരന്‍-രാജശ്രീ ദമ്പതികളുടെ മകളാണു ശ്രുതി.