ധാക്ക: ബാറ്റ്‌സ്മാന്‍മാരുടെ ശവപ്പറമ്പായി മാറിയ ധാക്ക പിച്ചില്‍ ബംഗ്ലാദേശിനെതിരായ രണ്ടാം ക്രിക്കറ്റ് ടെസ്റ്റില്‍ ശ്രീലങ്കയ്ക്ക് ലീഡ്.
ഒന്നാം ഇന്നിങ്‌സില്‍ ലങ്കയെ 222 റണ്‍സില്‍ പുറത്താക്കിയ ബംഗ്ലാദേശിന്റെ പോരാട്ടം വെറും 110 റണ്‍സില്‍ അവസാനിപ്പിച്ച് ലങ്ക 112 റണ്‍സ് ലീഡ് സ്വന്തമാക്കി. രണ്ടാം ഇന്നിങ്‌സ് തുടങ്ങിയ ശ്രീലങ്ക രണ്ടാം ദിനം കളി നിര്‍ത്തുമ്പോള്‍ എട്ട് വിക്കറ്റ് നഷ്ടത്തില്‍ 200 റണ്‍സെന്ന നിലയില്‍. രണ്ട് വിക്കറ്റുകള്‍ ശേഷിക്കേ ലങ്കയ്ക്ക് 312 റണ്‍സ് ലീഡ്. 58 റണ്‍സുമായി റോഷന്‍ സില്‍വയും ഏഴ് റണ്‍സുമായി സുരംഗ ലക്മലുമാണ് പുറത്താകാതെ ക്രീസിലുള്ളത്. രണ്ടാം ദിനത്തില്‍ മാത്രം 14 വിക്കറ്റുകളാണ് വീണത്.