മാര്‍ച്ച് ഒന്നു മുതല്‍ കാര്‍ വില വര്‍ധിപ്പിക്കുമെന്ന് വാഹന നിര്‍മാതാക്കളായ സ്‌കോഡ.

കാര്‍ ഇറക്കുമതിക്കും കിറ്റ് ഇറക്കുമതിക്കും കസ്റ്റംസ് ഡ്യൂട്ടി നിരക്ക് ഉയര്‍ത്തുമെന്ന പാര്‍ലമെന്റ് ബജറ്റ് സമ്മേളനത്തിന്റെ പ്രഖ്യാപനത്തെ തുടര്‍ന്നാണ് സ്‌കോഡ ഇന്ത്യ വിലവര്‍ധനക്ക് തയാറെടുക്കുന്നത്.

കാര്‍ വില വര്‍ധനയില്‍ ഒരു ശതമാനം വര്‍ധനയാണ് സ്‌കോഡ നടപ്പാക്കുക. വിവിധ മോഡലുകളുടെ വിലയില്‍ 10,000 മുതല്‍ 35,000 രൂപ വരെ വര്‍ധന നിലവില്‍ വരും.