മാഡ്രിഡ്: ബ്രസീല്‍ യുവ താരം ആര്‍തര്‍ മെലോയെ ടീമിലെത്തിച്ച് ബാഴ്‌സലോണ. 39 ലക്ഷം യൂറോയ്ക്കാണ് താരം കറ്റാലന്‍ ടീമിലേക്കെത്തുന്നത്. 21കാരനായ മധ്യനിര താരം ബ്രസീലിയന്‍ ടീം ഗ്രെമിയോയിലാണ് കളിക്കുന്നത്. ബ്രസീലിയന്‍ ക്ലബുമായി ബാഴ്‌സലോണ കരാര്‍ ഒപ്പിട്ടു. ജൂലൈ മാസത്തില്‍ ആര്‍തര്‍ ബാഴ്‌സലോണയുമായി കരാര്‍ ഒപ്പിടും. മികച്ച പാസിങിലൂടെ മധ്യനിരയില്‍ കളി മെനയാനുള്ള കെല്‍പ്പാണ് ആര്‍തറിന്റെ സവിശേഷത. ലബര്‍ട്ടഡോറസ് കപ്പില്‍ ഗ്രെമിയോ ചാംപ്യന്‍മാരാക്കിയത് താരം പുറത്തെടുത്ത മികവാണ്.