ന്യൂഡല്‍ഹി: എ.ഐ.സി.സി പ്ലീനറി സമ്മേളനത്തില്‍ ബി.ജെ.പിയേയും മോദിയേയും രൂക്ഷമായി വിമര്‍ശിച്ച കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിക്കെതിരേ പ്രതിരോധ മന്ത്രി നിര്‍മല സീതാരാമന്‍. പരാജിതന്റെ വാക്കുകളാണ് രാഹുലിന്റെ പ്രസംഗത്തലുണ്ടായതെന്നാണ് നിര്‍മല സീതാരാമന്‍ പറഞ്ഞത്.
ശ്രീരാമന്റെ അസ്തിത്വത്തെപോലും ചോദ്യം ചെയ്തവരാണ് ഇപ്പോള്‍ തങ്ങള്‍ പാണ്ഡവരെപോലെയാണെന്ന് അവകാശപ്പെടുന്നതെന്നും നിര്‍മല സീതാരാമന്‍ പരിഹസിച്ചു. പ്ലീനറി സമ്മേളനത്തില്‍ നടത്തിയ പ്രസംഗത്തില്‍ അധികാര മോഹികളായ കൗരവരെപോലെയാണ് ബി.ജെ.പിയെന്നും പാണ്ഡവരെപോലെ സത്യത്തിനുവേണ്ടിയാണ് കോണ്‍ഗ്രസ് പോരാടുന്നതെന്നും രാഹുല്‍ പറഞ്ഞിരുന്നു.