തേഞ്ഞിപ്പലം: കടലുണ്ടിപ്പുഴയില്‍ ചൂണ്ടയെറിഞ്ഞപ്പോള്‍ മീന്‍പിടുത്തക്കാരന് ലഭിച്ച നരിമീന്‍(കോര) തൂക്കം 10 കിലോ. അപൂര്‍വമായി ലഭിക്കുന്ന ഈപുഴ മീനിന് അയ്യായിരം രൂപയാണ്‌വില. ചെര്‍ന്നൂര്‍ തയ്യിലക്കടവ് സ്വദേശി കൂപ്പയില്‍ നസീറിനാണ് കഴിഞ്ഞദിവസം പുഴയില്‍നിന്നു വലിയ നരിമീന്‍ ലഭിച്ചത്. ഇതിന് മുന്‍പുംനസീറിനും കൂട്ടുകാരായ ഇ.കെ കോയക്കുട്ടി, മുഴിക്കല്‍അബ്ബാസ്് എന്നിവര്‍ക്കും ഇത്തരത്തിലുള്ള വലിയ മീനുകള്‍ ലഭിച്ചിട്ടുണ്ട്. മാസങ്ങള്‍ക്ക് മുന്‍പ് ഇരുമ്പോത്തിങ്ങല്‍ കടവ് ഭാഗത്തുനിന്നു ഒന്‍പതര കിലോതൂക്കം വരുന്നമീന്‍ ലഭിച്ചതായും നസീര്‍ പറയുന്നു. വലയെറിഞ്ഞും ചൂണ്ടയിട്ടും പിടിക്കുന്ന വലിയമീനുകള്‍ പുഴമീന്‍ കമ്പക്കാര്‍ക്ക് വില്‍ക്കലാണ് ഇവരുടെപതിവ്.