നരിക്കുനി: വാട്ടര്‍ അതോരിറ്റിക്ക് കീഴില്‍ മടവൂര്‍, കിഴക്കോത്ത് ഗ്രാമ പഞ്ചായത്തുകളിലായി രണ്ടായിരത്തോളം കണക്ഷനുകളുള്ള കൊട്ടക്കാവയല്‍ കുടിവെള്ള പദ്ധതി പ്രവര്‍ത്തനം അവതാളത്തിലായി. കരന്റ് ബില്‍ അടക്കാത്തതിനാല്‍ കെ.എസ്.ഇ.ബി ഫ്യൂസ് ഊരിയതാണ് കാരണം.
ബില്‍ അടക്കേണ്ടത് കേരള സര്‍ക്കാര്‍ ആണ്. വാല്‍വ്, പമ്പ് സെറ്റ് തകരാര്‍, മറ്റ് കാരണങ്ങള്‍ പറഞ്ഞ് മിക്ക ദിവസങ്ങളിലും വിതരണം മുടങ്ങല്‍ പതിവാണ്. പ്രശ്‌നങ്ങള്‍ പരിഹരിച്ച് വെള്ള വിതരണം നല്ല രീതിയില്‍ നടന്നില്ലെങ്കില്‍ ശക്തമായ പ്രക്ഷോഭ പരിപാടികള്‍ ആസൂത്രണം ചെയ്യുമെന്ന് മടവൂര്‍ പഞ്ചായത്ത് യൂത്ത് ലീഗ് കമ്മിറ്റി മുന്നറിയിപ്പ് നല്‍കി.