കൊണ്ടോട്ടി: സംസ്ഥാന ഹജ്ജ് കമ്മിറ്റിക്ക് കീഴില്‍ പോകുന്ന തീര്‍ഥാടകര്‍ക്കായുള്ള വളന്റിയര്‍മാരുടെ അപേക്ഷ സ്വീകരണം ഇന്ന് അവസാനിക്കും. ഹജ്ജ്,ഉംറ ചെയ്ത യോഗ്യതയുള്ള സര്‍ക്കാര്‍ ഉദ്യോഗസ്ഥരുടെ അപേക്ഷകളാണ് സ്വീകരിക്കുന്നത്. ഈ വര്‍ഷം വനിതകള്‍ക്കും അപേക്ഷ നല്‍കാനുള്ള അവസരമുണ്ട്.
കേരളത്തില്‍ നിന്ന് ഇതുവരെ 209 അപേക്ഷകളാണ് ലഭിച്ചത്. ഇവരില്‍ 37 പേര്‍ വനിതകളാണ്. ഇന്ന് വൈകുന്നേരം അഞ്ചിനു മുന്‍പായി ലഭിക്കുന്ന അപേക്ഷകള്‍ മാത്രമാണ് സ്വീകരിക്കുകയെന്ന് സംസ്ഥാന ഹജ്ജ് കമ്മിറ്റി അറിയിച്ചു. 200 പേര്‍ക്ക് ഒരുവളന്റിയര്‍ എന്ന തോതിലാണ് പരിഗണിക്കുക. വളന്റിയര്‍മാരുടെ യാത്ര ചെലവില്‍ പകുതി സംസ്ഥാന സര്‍ക്കാറും ശേഷിക്കുന്നത് കേന്ദ്രഹജ്ജ് കമ്മിറ്റിയും വഹിക്കും.