HOME
DETAILS

സി.ബി.എസ്.ഇ പുനഃപരീക്ഷയില്‍ സഊദി സ്‌കൂളുകളെ ഒഴിവാക്കണമെന്നു ആവശ്യം; സ്‌കൂളുകള്‍ മെയില്‍ അയച്ചു

  
backup
March 30 2018 | 12:03 PM

cbse-exam-saudi-student-gufl

റിയാദ്: സി.ബി.എസ്.ഇ പുനഃപരീക്ഷയില്‍ സഊദി സ്‌കൂളുകളിലെ വിദ്യാര്‍ഥികളെ ഒഴിവാക്കണമെന്നു ആവശ്യം. സഊദിയിലെ നിലവിലെ പ്രത്യേക സാഹചര്യം ചൂണ്ടിക്കാട്ടി വിവിധ സ്‌കൂളുകള്‍ സി.ബി.എസ്.ഇ അധികൃതര്‍ക്ക് മെയില്‍ അയച്ചു. ഇവിടെ നടന്ന പരീക്ഷകള്‍ സാധുവായി കണക്കാക്കണമെന്ന് ജിദ്ദ ഇന്ത്യന്‍ സ്‌കൂള്‍ പ്രിന്‍സിപ്പല്‍ സയ്യിദ് മസൂദ് അഹമ്മദ് ആവശ്യപ്പെട്ടു.

സഊദിയിലെ പ്രത്യേക സാഹചര്യത്തില്‍ വിദ്യാര്‍ഥികളുടെ സ്‌കൂള്‍ പരീക്ഷ കഴിഞ്ഞ് നാട്ടിലേക്ക് ഫൈനല്‍ എക്‌സിറ്റ് പോകാനായി തയ്യാറെടുത്തു ഒരുക്കങ്ങള്‍ നടത്തിയ ഇന്ത്യന്‍ കുടുംബങ്ങളെയാണ് പരീക്ഷ ചോദ്യപേപ്പര്‍ ചോര്‍ച്ച വലച്ചത്. ഇതോടെ നിരവധി കുടുംബങ്ങള്‍ എന്ത് ചെയ്യണമെന്നറിയാതെ കുഴയുകയാണ്. നാട്ടിലേക്ക് പോകാനായി പാസ്‌പോര്‍ട്ടില്‍ എക്‌സിറ്റ് അടിച്ചു ടിക്കറ്റെടുത്തു കഴിഞ്ഞവരും യാത്ര ചെയ്യാനായി ദിവസങ്ങള്‍ ഇല്ലാത്തവരുമാണ് സഊദി പ്രവാസികള്‍. ഇതിനകം തന്നെ നിരവധി കുടുംബങ്ങള്‍ വരുന്നിടത്ത് വെച്ചു കാണാമെന്നു കരുതി നാട്ടിലേക്ക് തിരിക്കുകയും ചെയ്തിട്ടുണ്ട്. ഇവര്‍ക്കൊന്നും ഇനി സഊദിയില്‍ നടക്കുന്ന പുനഃപരീക്ഷയില്‍ പങ്കെടുക്കാന്‍ കഴിയില്ല. മാത്രമല്ല,നാട്ടില്‍ നടന്ന ചോദ്യ പേപ്പര്‍ ചോര്‍ച്ചയുടെ ഒരംശം പോലും ഇവിടെ എത്തിയിട്ടില്ലെന്നിരിക്കെ പരീക്ഷ സാധുവായി കണക്കാക്കണമെന്നാണ് ആവശ്യം. ഇതിനായില്ലെങ്കില്‍ ഇവിടെ പരീക്ഷയെഴുതി നാട്ടിലേക്ക് പോയ വിദ്യാര്‍ഥികള്‍ക്ക് ഇന്ത്യയിലെ സി.ബി.എസ്.ഇ സ്‌കൂളുകളില്‍ പരീക്ഷ എഴുതാനുള്ള അനുമതി നല്‍കണമെന്നും ഈ നിര്‍ദേശം ഇന്ത്യയിലെ എല്ലാ സ്‌കൂളുകള്‍ക്കും നല്‍കണമെന്നും സി.ബി.എസ്.ഇ ന്യൂഡല്‍ഹി റീജിയണല്‍ ഓഫീസര്‍ക്ക് അയച്ച മെയിലില്‍ ആവശ്യപ്പെട്ടിട്ടുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."