കോഴിക്കോട്: ഗള്‍ഫ് മലയാളി വെല്‍ഫെയര്‍ സെന്ററിന്റെ സംഗീത രത്‌ന പുരസ്‌കാരത്തിന് പിന്നണി ഗായകന്‍ കെ.ജി മാര്‍ക്കോസ് അര്‍ഹനായി. ഗള്‍ഫ് മലയാളി വെല്‍ഫെയര്‍ സെന്റര്‍ 22ാം വാര്‍ഷികാഘോഷദിനമായ ഏപ്രില്‍ മൂന്നിന് വൈകിട്ട് 5.30ന് ടാഗോര്‍ സെന്റിനറി ഹാളില്‍ നടക്കുന്ന ചടങ്ങില്‍ അബ്ദുസമദ് സമദാനി പുരസ്‌കാര സമര്‍പ്പണം നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
ഒരു ലക്ഷം രൂപയും പോള്‍ കല്ലാനോട് രൂപകല്‍പ്പന ചെയ്ത ശില്‍പ്പവും പ്രശസ്തി പത്രവും അടങ്ങുന്നതാണ് പുരസ്‌കാരം.
വാര്‍ത്താസമ്മേളനത്തില്‍ ആറ്റക്കോയ പള്ളിക്കണ്ടി, അന്‍വര്‍ കുനിമല്‍, എന്‍.പി അബ്ദുല്‍ ഹമീദ്, കെ.പി ജയന്‍ പങ്കെടുത്തു.